Dîlan Kortaki berî ver de hetê polîsan ra amey înfazkerdiş. Onca yeno zanayene ke nêy înfazê Amed de Guler Erdogan û Stenbol de tewr peynî de kiştişê Yelîz Erbay û Şîrîn Oter reyde dewam kerd.
Şerê dewleta AKPe bi hedefgirewtişê cenîyan xorî ra yeno ramitene.Xora qetilkerdişê cenîyan zî hîn yew rey nê, çarçiwaya bi yew planî virazyeno. Xoverdayîşê xorayîrberdişan de taybet cenîyê ke kuçeyanê xo canêverdanî hetê tîmê taybetan ra yenî hedefgirewtiş. Zey ewro verê de zî dewleta tirk şerê xo de cenîyan hedef girewt.
Dîroka dewleta tirk
Tertelê 38 yê Dersîm de cenî ameyî kiştiş, raştê îstîsmarê cînsî ameyî, ya zî keynekî mayî-piyanê ci ra bi zorî ameyî girewtiş, seba asîmîlasyonî berdiyayî sûkanê bînan de hetê dewlete ra perwerde bî. No zîhniyet ewro zî verba şarê kurdî û şorişgeran bi eynî zîhniyetî têgêrena.
Cenîyê ke rengê ciwiyayişî faşîzma xoya şonê înan ser. Faşîzma AKPe zî zey dîroka dewleta tirk, verba cenîyan dişmeniya xo bi sereştişan dana ramitene. Xora faşîzma AKPe cenîyan tena zey kole vînena. Polîtîkaya dewleta AKPe verba têkoşînê serbestiye yê kurdan aşkera werte de ra. Gerîllaya YJA Starî Ekîn Wan, Mûş Gimgim de îşkenceya ginê piro û tirmê aye kerdê rûte û fotografê ci ontî.
Polîtîkaya dewleta tirk a ke cenîyan hepsê mabênê çar desan kena, têkoşînê ceniyanê kurdan ke wazena bi nêy sereştisan biqedêno. Şero ke hetê dewleta tirk ra ameyo dest ci kerdene, verba sivîlan rameno. 6 aşmanê peyênan de ceniyê ke cayê ke xoverdayiş tede berz beno, ucayan de hetê dewlete ra ame kiştiş nameyê înan wina yî:
AMED
Helîn Hasret Şensur-12 serre
Guler Eroglu- 20 serre
SILOPÎ
Fatma Oktem- 55 serre
Fatma Yîgît- 17 serre
Taybet înan- 57 serre
Ayşe Buruntekîn- 40 serre
CIZÎRA BOTAN
Xetban Bulbul- 65 serre
Cemîle Çagirga- 10 serre
Meryem Sune- 53 serre
Zeynep Taşkin- 17 serre
Mulkiye Geçgel- 48 serre
Hediye Şen- 30 serre
Zeynep Yilmaz- 45 serre
Cahîde Çikal- 35 serre
Amîne Dûman- 70 serre
Azîme Aşan- 50 serre
Adîle Karadûman- 55 serre
NISÊBÎN
Selamet Yeşîlmen- 44 serre
Fehîme Akti- 56 serre
Emîre Gok- 39 serre