Di avakirina Înîsiyatîfê de ev danezan hatin aşkerekirin: “Em, wekî komek parêzvanên mafên mirovan, mafên zarokan jî mîna perçeyek yê van pirsgirêkan dibînin, me xwest dest biavêjin vê pirsgirêka girîng. Em dixwazin pirsgirêkên zarokan di nava xweseriya wê de were nîqaşkirin ji bo vê yekê me vê Înîsiyatîfê ava kir. Înîsiyatîfa me dê ji îro û pê de dest bi xebatên xwe dike, em vê yekê radigihînin tevahî kes û saziyên hişyar. Rêveberiya me wê di serî de li ser Medya civakî û bi navgînên ragihandinê bi hêza civakbûnê raya giştî çêbike û hêzekî xurt derxe holê. Teşeyê rêveberiya me hemû bi kesên çalekvan pêk tê ew ne girêdayî ti sazî û hîyerarşîkê ne.”


Armancên înîsiyatîfê
- Ji bo mafê zarokan hişyariyekê û pêjnbendiyekê çêbike.
-  Bûyerên mafên zarokan binpê dikin bibînin û wan derxin pêşberî rayagiştî .
- Mijarên zarokan pêwendîdar dikin, agahî û belgeyan kom bikin nexşeyekî civakî û derûnî amade bikin.
-  Rêxistinên civakên sivil, rêxistinên girseyî yên Demoqratîk, hêzên Fermî û saziyên teybet, xebatên zarokan têkildar dikin bi wan re parve bikin û wan pirsgirêkan bi wan re nîqaş bikin.
- Tevahî hêzên mafên zarokan diparêzin,(Komale, Qolektîf, Înîsîyatîf, Qoperatîf, proje, platforman û hwd) em ê alîkarî û hêzê bidin wan.
-  Em ê di bajarê xwe de cihên jiyina zarokan bibînin wan bi saziyên pêwendîdar re parve bikin.
-  Ji bo amadekirina Mihrîcanekî ya zarokan were çêkirin di bajarê me de xebat were destpêkirin.
- Li gor mercên demê, armancên xwe yên kin, navîn û dirêj dê bên amadekirin. 

ÊLIH