Fermandarîya YPG/YPJê û peşmergeyê ke seba hetkarîya amey Kobanê, derheqê rewşa ser a peynî de kombîyayişek hembar a çapemenîyê viraştî û persê rojnamegeran verpersnay. Di kombîyayişê ke zafê endamê çapemenîyê yê kurd û bîyanî şopnay de, endamê Fermandarîya YPGê ya Kobanê Dijwar Xebat, endamê Fermandarîya YPJê ya Kobanê Hebûn Dêrik û Fermandarê Peşmergeyan Ehmed Kurdî hadre bîy.

3 HEZAR ÇETE MERDÎ
Dijwar Xebat peynî pirsê rojnamegeran verpersna. Xebat ser persa tekildarê hûmara kiştişê çeteyan de no agahî da: “Destpêka hêrişan û hetanê nika 3 hezar çete amey kiştiş. Hêzê çeteyan zaf zeyîf bîyo. Şerwanê YPG/YPJ û peşmerge derbeyê giran çeteyan donê piro.”
Ehmed Kurdî zî derheqê yewîtîya kurdan qise kerd. Kurdî aşkera kerd ke nê hadreyekê seba pawiyayişê Kobanê beşdarî heme şer û pêkewtişan bibî û hetkarîya YPGî bikerî.
Fermandar YPJî Hebûn Dêrik zî persa rojnamegeran a zey ‘çend şerwanê YPGî est a?’ verpersna û no dergî da qise xo: “Hezar şerwanê ma est î û heme çeperan ra şer vila bîyê. Şerwanê dijî çeteyan çalakîyê bi bandor visnenî. Şerwana ma Arîn Mîrkan finaka tewrî verbiçimê û fedarkartîya şerwanê ma ya. Ma ser rayîrê a têkoşîna xo bidomnî.”
Ser persa zey ‘lazimeya akerdişê korîdorê merdimatî ya seba Kobanê est o ya zî çin o?’ zî Dijwar Xebat aşkera kerd ke no korîdor seba xelisnayişê welatijê sivîl zaf lazim o.
Ehmed Kurdî zî eynî babete ser ciresna ke akerdişê korîdorê seba eşrawitişê çekan zaf muhîm o. Her di fermandaran hêzê koalîsyonê dijî DAIŞê waştî ke hêrişê xo zaf bikerî û hetkarîya çekan bi ê ra bikerî.

Tewr tikey 38 çete amey kiştiş

ÇETEYÊ DAIŞÊ Kobanê dagirkerdişî rê despê herdişan kerdbî û nê hêrişan nê 55 rojake domyeno. Verba nê hêrişan zî hêzê YPG/YPJî verpersake gird danî. Di çalakîyê hêzê YPG/YPJî de 38 çete amey kiştiş.  Navenda Ciresnayiş û Çapemenîyê YPGî netîceyê pêkewtişê 55’ê roje dîyar kerd. YPG aşkera kerd ke bi hêzê OSO û peşmergeye çeteyê DAIŞî derbeyê giran amey pirodayiş û di zaf hûmarîy de noqtayê stratejîk ra zî çeteyan amey eştiş.  YPG aşkera kerd ke di mîyanê 24 saetî de hamle û pêkewtişan de zî 8 şerwanê YPGî cuyayişê xo vinîkerdî.

ANHA/KOBANÊ