Avûkat Devrîm Avci vat ke BÎK hem rolê dozger û hem zî dadgehî kay keno. Mudirê Rojnameya Evrenselî zî aşkera kerd ke îqtîdar çapemenîyêke teberê kontrolê xo de nêwazeno, no ser teda keno
ERDOGAN ALAYUMAT / MA/STENBOL
Rojnameya Evrenselî ra BÎK cezaya birnayişê pereyî yê îlanî da û no bir qeraro skandal zî aşkera kerd. BÎK wendoxê Evrenselîyî ke 3 heb girewtî înan sey sucdar nişan da. Qerarê skandalî yê BÎKî ser o avukat Devrîm Avci û Mudirê Rojnameya Evrenselî Ercument Akdenîz qise kerdê.
Avukat Devrîm Avci vat ke qerarê BÎKî teberê huquqî yo û ê do heqê xo yê heme kanûnî do bipawî û wina vat: “Armancê no qerarî bayîyan de kam rojnameya Evrenselî gêno şopnayiş o. BÎK her serre 2 ray kontrol keno û heme çi de zî îhtarname erşeweno. Armancê înan nêrotişê Rojnameya Evrenselî yo.”
Mudirê Rojnameya Evrenselî Ercument Akdenîz aşkera kerd ke qerarê BÎKî skandal o û wina domna: “Rojnameya înan 25 serrî yo weşan kena. No qerar tena azadîya rojnameya ma nê, xebergirewtişê şarî ra hêrişêk o. Tirkîya de demo ke rejîm bedilya, azadîya çapemenî qedîya. Nika goreyê keyfa xo qertê çapemenîye vila kenî.”
Armanc girewtişê rojnameyan o
Mudirê Rojnameya Evrenselî Akdenîz dîyar kerd ke nika çapemenî seyî ra 95î destê îqtîdarî de yo û tena rojnameyê Cumhurîyet, Yenî Yaşam û Evrensel verba îqtîdarê têkoşînî danê wina domna: “Armancê îqtîdarê girewtişê rojnameyê teberê polîtîkayê ey ê. Bi nê polîtîkayan wazenî rojnameyan mîyanê krîzê ekonomîye de verabidê. Ma vera heme nê polîtîkayê lêmin ê de têkoşînê xo danê bi îmkananê xo xebat kenê.”
Tewro peynî Akdenîz pare kerd ke wendoxê înan wayîrê rojnameya xo wayîr vejîyenî, demo ke Metîn Goktepe ame qetilkerdiş no dem zî şar wayîr vejîyayê û wina peynî kerd: “Ma qet bi îlananê BÎKî ra randiman nêgirewtê. Nika ra pey zî ma do xebat û têkoşînê xo bidomnê.”