Parêzerê Zeynep Celaliyan, Dr. Mihemed Şerîf diyar kir ku rayedarên Îranê der barê mijarê de bêdengiya xwe xira kirin û cezaya davrekirinê betal kirin. Şerîf daxuyand ku cezaya darvekirinê vegeriyaye cezaya hepsê. Zeynep Celaliyan a ku li bajarê Makoyê ji dayik bûye di 2008'an de li Kîrmanşanê bi îdiaya endamê PJAK'ê ye hatibû girtin. Dadgeha Şoreşê di 14'ê çileya 2009'an de cezala darvekirinê li Celaliyan birîbû. Dadgehê di danişîna 7 deqîqeyan de cezaya davekirinê birîbû û dosya jî piştre şandibû saziya înfazê. Celaliyan hê jî di Girtîgeha Kîrmanşanê de tê girtin.
Ji bo ku cezaya darvekirinê ya der barê Celaliyan de bê betalkirin û bê berdan Rêxistina Efûya Navneteweyî û rêxistinên jinan kampanya dabûn meşandin. Dewleta Îranê herî dawî di 4'ê cotmehê de Kurdê bi navê Ezîz Xakzad (29) li gel ku cezaya wî ya darvekirinê betal kiribû jî bêyî ku agahiyê bide malbat û parêzeran ew darve kiribû.

17 girtiyên Kurd  di bin tehdîda darvekirinê de ne

Dewleta Îranê ji 2007'an heta niha 10 girtiyên Kurd ên siyasî darve kir û li girtîgehên Îranê hê jî 17 girtiyên siyasî yên Kurd di bin tehdîda darvekirinê de ne. Navên girtiyên ku di bin tehdîda darvekirinê de ne ev in: "Şêrko Mearîfî, Hebîbûlla Letîfî, Samî Husênî, Cemal Mihemedî, Rustem Erkiya, Mistefa Selîmî, Enwer Rostemî, Îrec Mihemedî, Mihemed Emîn Agûşî, Ehmed Pûladxanî, Hesen Tale'î, Ezîz Mihemedizade, Hebibulla Gulperîpûr, Ebdûlah Sirurî, Reşîd Axkendî, Loqman Muradi û Zanyar Muradi."

MAKO