Çomak wextê wendekarîya xo de bi îşkence ame tepiştiş û no 22 serrîyo bi şiklekê bêhiqûqîn yeno mahkeme kerden. Roniştişê dawaya Çomakî ke vizêr Mahkemeya Cezayê Giran ya 4. yê Stenbol de amê vînayen reyna bi şiklê bêqiqûqîn dewam kerd. Parlementerê HDP Mehmet Emîn Adiyaman, hunermend Ferhat Tûnç û malbata Çomakî ra pîya xêlê kesan ronişten taqîp kerd.
‘Bîyayiş nîna mi vîrî’
Ronişten de polîso bi nameyê Ûmût Karabay ke bi îşkence 1994î de îfadeyê Çomakî girot sûcê xo înkar kerd û ard ziwan ke bîyayiş nîna vîrê ey. Karabay ke ser sîstemê SEGBİS de îfade da îdia kerd ke îfadeyê Çomakî bin zext û îşkence de nêameyo giroten, bi îradeyê ci yo azad ameyo giroten. La kişta bîn ra îfade kerd ke bîyayiş nîno vîrê ci.
Îlhan Çomakî zî aşkere kerd ke vatişê Karabayî raşt nîyê û bado ke weynîya rîyê Karabayî dîyar kerd ke o ey nêsilasneno. Çomakî aşkere kerd ke ‘behsê îradeyê azad nêbeno û vist vîrî ke îfadeyê ci bin îşkence de ame giroten.”
Polîso îşkencekerdox Yuksel Ateşoglû ke tewrê ronişten bi hetê Çomakî ame silasnayen. Rixmo ke Ateşoglû îdiayan red kerd zî Îlhan Çomakî aşkere kerd ke şiklê porê ci zî nêameyo vûrnayen û Ateşoglû ci ra îşkence kerdo.
Roniştena dawa apey erzîya 28ê Îlone. Malbat û kesê ke tewrê ronişten bî qerarê mahkeme protesto kerdî.
DÎHA/STENBOL