Muhammed Uçakçiyo amedij ke 8 aşmî yo ke Fermandarîya Tugayê Zirxinî yê 3. ya Çerkezkoyî ya Tekîrdagî de leşkerî kerdêne, raştê îşkenceyê fermandar û leşkeran ameyo. Laşê Uçakçiyî de îşkenceyî ra dima xisarî virazîyayî û Uçakçi îşkenceyî ra dima leşkerî ra remayo. Babete sero dayîka Uçakçiyî Munevver Uçakçiye qisey kerde.
Goreyê vatenanê dayîke Uçakçiye heme leşkerê ke koguşê lajê ci de bî, tiryak (bonzaî) şimitî û dayî lajê ci, lajê ci zî krîz derbaz kerdo.”
Lajê mi tehdît kerdî
Dayîke Uçakçiye va ‘leşkeran ê halî de dayî lajê mi ro û wina dewam kerde: “Koguş de tena leşkerêko mêrdînij embazê lajê min o. Xora roja ke lajê mi şîyo leşkerî ra nata, leşkeran lajê mi û mêrdînijî ra hes nêkerdêne. Hetta lajê mi vatbî ke leşkeran înan tehdît kenî. Îxtîmal esto ke bi no hawa kerdo.”
Dayîke va ‘goreyê vatişê lajê mi, wexto ke ci dekenî ambulanse mîyan, ewja de lajê mi derb kenî’. Fermandarî dayîke ra vato ke leşkerî sûke ra bonzaî anî û tîya de şimenî. Uçakçiye vist vîrî ke seba ke nasnameyê ci hetê ci de nîyo, nêşêna lajê xo bîşêra nêweşxane.
AMED