Hurdî îstasyonê bazî serra 2004î de bi destûrê şaredarî ronîyay. Îstasyonê ke taxan mîyan de ronîyay 12 serrîyo seba welatijan benê tehdît û taloke kenê vila. Ronişteyê taxî ke seba wedarnayişê îstasyonan serpirodayişî kerdî û netîce nêgirewtî wazenê ke îstasyonî ca de keyeyanê înan ra dûr bifîniyê.
2 kesî rîyê îstasyonî ra merdî
Taxijan ra Riza Balamanî da zonayen ke rîwalê îstasyonê bazî qijê ke yenê dinya de problemê weşî estê û îdia kerd ke qijan de nêweşîye qanser, qelbqulî ûsb estê. Balamanî dîyar kerd ke 2 kesî rîwalê îstasyonî merdî û vist vîrî ke sermîyanî goş nêdanê meseleyanê şarî û çare nêkenê.
Balamanî beyan kerd ke şaredarî îstasyonanê bazî rê mengane ya zî serrane pereyê kîra gêna û hina va: “Se ra 90 şarî enê îstasyonanê bazî nêwazenê. Zerar dano şarî. Beno sebebê seqet bîyayişê qijan. Nayî ra wa wazenê ke ca de îstasyonê bazî wedarîye.
No sîstem ser rantî çerxyeno
Welatijan ra Selîm Koçyildiz zî jew keso ke wazeno îstasyonî wedarîye ra yo. Koçyildizî persa “Yê ke destûrê ronayişê îstasyonî danê nêzanê ke taloke vilayê însanan û xoza keno?” kerd û va, ‘Nayî herkes zano. Ma kes esto ke şarî fikirîyeno? Çike rant esto, no sîstem hina çerxyeno. Heta ke no sîstem hina biçerxîyo kam goş dano waşten û fikrê şarî.”
Selîm Koçyildizî hayr ant tewrê dewlete ser û aşkere kerd ke dewlet wazena ke şar bimiro û qijî seqet bîrê dinya.
DÎHABER/ÇEWLÎG