AHMET KANBAL / MA/MÊRDÎN
Doza roniştişê yê Îtîrafkara Doza Nisêbînî Hîcran Berna Ayverdî Dadgeha Cezaya Giran a Mêrdînî de ame dîyîş. Ayverdî bi dayişê îfadeyê botonî de Hemserekê Şaredarîya Girde ya Amedî Adnan Selçuk Mizrakli û Hemseraka Şaredarîya Kayapinarî Kezîban Yilmaz da girewtiş û qeyim ameyişî ra zî bi semed.
Dozgerî mutala xo de waşt ke Ayverdî heme dozan ra beraat biba. Dozgerî aşkera kerd ke Ayverdî waşt ke Kanûnê Pîşmanî ra randiman biga û demê girewtişî zî ser ci de çik nê ameyo girewtiş. Dadgeh roniştişê doze 11 sibate ra taloq kerd.
Ayverdî ra huqûqo cîya
Doza Nisêbînî de hetanê nika heqê 36 kesî de qeraqê cezayê muebbet û hepsî ame dayiş la belê sifte heqê kesêke de qerarê beraatî yena waştiş. Ayverdî weçînayişî ra 11 rojî mendbî ke îfade da û îfadeya xo de vat ke Selçuk Mizrakli nêweşxaneyêko taybet de gerîla derman kerdo û heqê Kezîban Yilmaze de zî îfadeya xo de vat ke komîsyonê huquqî yê rêxistinî de ca gêna. Ayverdî peynîya îfadedayişî ame serbestveradayişî.