Rojê dişeme mehkema Tirk yê îstîlaker, ser wekîlanê Kurd yê BDP’yîjan-PAD- qerarek da.

Yena zanayîş ,vercû wekîlê CHP Mustafa Balbay bi qerarê Mehkema Destura Bingeyîn amebi veradayîş.
La wext dor ame wekîlanê BDP, mehkeme îstîlaker wa “Ma wekîlanê BDP veranêdanê”.
Bi no qerar reyna vejîya werti ke, dewlata Tirk dewletek îstîlakera. Mehkeme, hakim-dadger- û sawcîyê-dozger- Tirk hakim û sawcîyê îstîlakerî.
Huquq û qanûnê Tirk, huquq û qanûnê îstîlakerî.
Eleqê nayan edalet ra çîna.
Awakerdişê Komara Tirkiye ra, heta nika ne edalet ne huquq ne zî qanûn mendo.
Çîyê ke estî, pêronê nayê çîyan  gore îstîlakerîyê dewleta Tirk ameyê hadrekerdiş.
Çîyê ke estî, pêronê nayê çîyan seba qirkerdişê Şarê Kurd ameyê hadrekerdiş.
Mehkeme Îstîklal zî hina bi. Mehkeme Cezayê Giranî zî hinayê.
Pê Mehkeme Îstîklalî,  Şex Seîd û Seyît Riza înan ameyê aleqnayîş.
Nika zî pê Mehkeme Cezayê Giran û Teybet, sîyasetkarê Kurd  yenê mehkemekerdiş, zîndan de yenê kiştiş.
Wext raveriyo, la hîşê Tirkan seba Kurdan nêraveriyo.
Serra 1923 ‘de hîşê Tirkan derheqê Kurdan de çibi, serra 2013 de zî yanî  ewro zî hinayo.
Qase zerrê misqal nêbedilyo. Dewlata Tirk û reyadaranê dewleta Tirk, pê eynî hîş û eynî çiman ewnenê Kurdan.  Zê dişmenê ewnenê Kurdan. Yew mexsed înan esto, o mexsed zî qirkerdişê Kurdano. Wazenê Kurdan qirbikerenê û bikerenê Tirk.
Partiya kemalîst CHP hinabî. Nika partiya kemalîsta zergûn AKP zî hinawa.
Qeraro ke mehkeme cezayê giran 5. û 6.  yê Amedê derheqê wekîlanê BDP de girewto, yeno eynî mane.
Tîya re pê zî, hîşê dewleta Tirk neyeno bedilnayîş.
Çunke amînê awakerdişê dewleta Tirk, ser qirkerdişê Şarê Kurd o.
Gera pêronê Kurdan, na raştî weş bizanê.
Kam ke seba azadiyê Kurdîstanek Azad tekoşîn nêkero, dewleta Tirk û AKP ra hevî bikero kewno xeletî.  Kewno şaşî.
Verênan ma seba dewleta Tirk yew vateyek weş vato.
Verênanê ma  hina vato:“Leyîre marî bêjehr nêbena”.
AKP, leyîre ANAP û MSP’ya, ANAP û MSP, leyîre AP’ye. AP zî, leyîre DP’ya. DP zî leyîre CHP’ya.
CHP seyî dişmene Kurda. AKP, zî dişmene Şarê Kurda.
CHP seyî wayîr û amînê jehre faşoyê Tirkperêsta, leyîre ayê AKP zî wayîr û amînê jehre faşoyê Tirkperêsta.