Çapemeniya Elmanyayê diyar kir ku li gorî daneyên fermî, Selefiyên li Sûriyeyê ku hejmara wan 320 e, piraniya wan ji aliyê merciyên Elmanyayê ve tên zanîn. Selefiyên ji Elmanyayê, ji ser Tirkiyeyê diçin Sûriyeyê, hinekê wan ligel ku ji aliyê yekîneyên ewlehiyê ve herî kêm ev du sal e tên zanîn û lêgerîna wan hebû welat terk kirin. Li gorî lêkolîneke ku ji aliyê televîzyona ARD û rojnameya Frankfurter Allgemeine Zeitung (FAZ) hatiye kirin, hêj gelek Selefifyên ku têkiliya wan bi komên cîhadî yên Sûriyeyê re hene, ji ji aliyê yekîneyê ewlehiyê yê Elman ve tên nasîn. Hunermendê muzîkê yê repê yê Ereb Denîz Cuspert jî di nav de gelek kesên oldar, ligel ku ji aliyê polîsan ve lêgerîna wan heye, bi bê dengî Elmanya terk kirin.


Lêgerîna wan jî hebû
Di nûçeya ARD û FAZ’ê de hat diyar kirin ku Denîz Cuspertîn di 5’ê Gulana 2012’an de li bajarê Bonnê di çalakiyekê de bi polîsan re dema pevçûn hatiye dîtin. Piştî vê bûyera ku 29 polîsên Alman birîndar bûn û 220 doz hatin vekirin, gelek kes ji ser Tirkiyeyê derbasî Sûriyê bûn. Serokê rêxistina Parastina Destûra Bingehîn Verfassungschutz) Hans-Georg Maassen ji FAZ’ê re axivî û destnîşan kir ku hejmara kesên ku ji Elmanyayê derbasî Sûriyeyê bûne nêzî 320’î ye. Maassen diyar kir ku ji bo ev kes hema bên girtin daneyên hatine bidestxistin têr nakin û got: “Em dizanin ku ev kes li Sûriyeyê dixwazin çi bikin. Qanûnên me yên tundtir hebin jî, di destê me de daneyên têr tune ne.”

Li Tirkiyê wenda dibin
Maassen wiha berdewam kir: “Em dizanin ku Selefiyên ji Elmanyayê derdikevin derbasî Tirkiyeyê dibin, lê piştre em şopa wan winda dikin. Çawa dikevin Tirkiyeyê em şopa wan winda dikin. Em tenê texmîn dikin ku ev derbasî Sûriyeyê dibin. Selefiyên vedigerin Elmanyayê jî em nikarin tespît bikin ka çûne Sûriyê an na.  Lê ancax bi îfade girtinê û şopandinê dikarin ev bê tespîtkirin."  Pisporê terorê yê ji Weqfa Siyaset û Zanistê ya Berlînê Guîdo Steînberg ji  ARD’ê re ji bernameya Report Munchen re axivî û merciyên ewlehiya Elman rexne kir. 

ANF/MUNCHEN