Piştî ku 2 sal berê ciwane Kurd Emrah Gezer li Enqereyê bi Kurdî stran got û hate kuştin niha jî li Îzmirê ciwanê bi Kurdî stran xwest hate kuştin. Roja berê li navçeya Alîaga ya Îzmirê ciwanê bi navê Gazî Akbayir ê ji Dêrsimê dema ji ber di şahiyê de strana zazakî xwest rastî êrîşa lîncê hat. Akbayir piştî bi zimanêzikmakî stran xwest rastî êrişa bikêran hat û bi 5 cihan hate kêrkirin. Akbayir, dema xwest ji cihê bûyerê bireve rastî barandina guleyan hat û bi 8 guleyan hate kuştin.

Pişti ku Akbayir rakirin nexweşxaneya Dewletê ya Alîaga li nexweşxaneyê jiyana xwe ji dest da. Piştî bûyerê êrîşkar cihê bûyerê reviyan. Malbata Akbayir cenazeyê kurê xwe ji morga nexweşxaneyê wergirtin. Têkildarî bûyerê jî 3 kes hatin binçavkirin.  Di 27’ê kanûna 2009’an de li Enqereyê jî ciwanê bi navê Emrah Gezer ji ber ku bi Kurdî strabû ji aliyê polîsê bi navê Serkan Akbulut ve hate kuştin. Lê 9’emîn Dadgeha Cezayê Giran a Enqereyê dadgehê ji îdîaya bi strana Kurdî polîs dtahrîk kiriye ceza hindik birî. 

ÎZMÎR