Salîh Demîrkiranê 45 salî ku bavê 9 zarokan e, li hemû taxên Bedlîsê yek bi yek digire û xalî û berikên kevin dora wan overlok dike. Demîrkiranê ku debara xwe bi vî karî dike, salê 6 mehan li derve derbas dike. Demîrkiran destnîşan dike ku metreya overloqê bi 1,5 YTL yî dike û her wiha diyar dike ku alîkarî wî yê herî mezin jî Mustafa Demîrkiranê yê ku xwendekarê pola 6’emîne.
Kurê Demîrkiran, Mustafa Demîrkiran piştî ku dibistan dikevin betlanê bi bavê xwe re kamyoneta xwe digirin û bajar bi bajar digerin. Mustafa diyar dike ku ew gelek kêfxweşike ku alîkariyê die bavê û her wiha destnîşan dike ku ji bo dibistanê jî xwe amade dike.
Salîh Demîrkiran jî ji alîkariya kurê xwe gelek kêfxweş e û wiha dibêje: “Ji dibistanan re demeke kin ma. Alîkarê min yê herî mezin kurê min e. Di her warî de alîkariyê dide min. Gelek fêdeya wî ji bom in heye. Heta dibistan vebe em bi hevre dixebitin. Dema dibistan vebin Mustafa dê biçe Elezîzê û dest bi dibistana xwe bike.
Ez jî heta destpêka zivistanê dê bixebitim. Em bi roj li taxan digerin û overloqê dikin. Bi êvaran jî em diçin petrol an jî tesîsan em tezgaha xwe ji bo xwe dikin nivîn û li ser radikevin. Her çiqas jiyana me zehmet be jî em pereyê nanê xwe derdixin. Rojê herî kêm em 100 metre overlok dikin. Ez 3 salin debara malbata xwe bi vî awayî dikim.


ANF/BEDLÎS