Komîteya Çand û Hunerê ya KCK’ê de barê hunermendê gerîla Gafur Dogan (Hêvî Şanoger) ku di 27’ê Tebaxa 2004’an de dema ji bo Mîhrîcana Şanoya Kurd ji Mexmûrê diçû Kerkukê qezaya trafîkê derbas kir û jiyana xwe ji dest da, 10’emîn salvegera wî de bi bîr anî. Komîteyê di peyama ku weşand de diyar kir ku keda Dogan  di nav gerîla pêşveçûna şanoyê û nasnameya şanoya Kurd de gelek mezin e û wiha got: “Wî ji nirxên welatparêzî tawîz neda û jiya. Li metropoleke wek Îzmîrê bi salan têkoşîna hunerê da. Xebatên NÇM ya Îzmîrê meşand. Nirx tevlî van xebatan kir.  Wek şoreşger û şanogerekî ku her tim li dijî pirsgirêkên civakê bi berpirsyar tevgeriya û di encama vê dewlemendiya xwe ya di qada çand û hunerê de tevli tevgera Azadiya Kurd bû.

Komîteyê di berdewamiya daxuyaniya xwe de wiha got: “Hevalê Hêvî jiyana xwe ya hunerê bi jiyana xwe ya gerîla re anî cem hev. Di huner û şanoya PKK’ê de kedek wî ya mezin hebû. Bi xebatên xwe piştgiriyek mezin da pêşveçûna şanoyê. Li çiyayan gelek lîstik nivîsî. Her ku derfet dît, lîstikên xwe pêşkêşî gel kir.
Bi şanoya xwe nêzîkatiyên azad û nû ragihand civakê. Ne tenê li ser dikê, li her qada jiyanê hunera xwe dida jiyîn. Felsefeya jiyana azad di warê hunerî de di kesayeta xwe de xist pratîkê û ne tenê xwe bi dehan hevalên xwe tevlî qadên gerîla kir û bi pratîka xwe derxist holê ku civak tê wateya nemiriyê. Şanoya Kurd îro bi hewldana şanogerên me yên şehîd li her derê ye. Ev rêhevalên me di şanoya Kurd de navê veguherîna çavkaniyên xweser in. Nirxên Kurd ên otantîk, bi nirxên têkoşîna Tevgera Azadiya Kurd re anîn cem hev û di avakirina jiyaneke azad û nû de bûne îfadeya xeta hunera PKK’ê. 

BEHDÎNAN