Endama Rêxistina Yekîtiya Star Şêxa Ebdilqadir Mihemed a bi nasnav Dîrok Amûdê ku di sala 2008’an de bi nexweşiya pençeşêrê ketibû li paytexta Sûriyê Şamê dihat dermankirin, jiyana xwe jidest da. Şêxa Ebdilqadir Mihemed duh li mala birayê xwe yê li taxa Zorava ya bajarê Şamê jiyana xwe jidest da. Cenazeyê Şêxa Mihemede wê îro saet di 15.00’an de bînin Qamişlo û ji vir dê ji bo ku bê definkirin, bibin bajarê Amûdê.

Şêxa Ebdilqadir Mihemed li gundê Til-Xenzîr yê girêdayî bajarê Amûdê di sala 1965’an de ji dayîk bûye. Di sala 1991’an tevlî Tevgera Azadiya Kurdistanê bû. Li gelek herêm û bajarên Kurdistanê xebat meşandin. Di sala 1996’an de ji aliyê rêjîma Baasê ve hate girtin û sal û nîvekê di girtîgeha bajarê Helebê û Şaxê Filestînê yê bajarê Şamê ku bi pêkanînên li dijî mirovahiyê tê zanîn de ma. Dîrok Amûdê piştî ji girtîgehê derket jî di damezirandina rêxistina jinan a Rojavayê Kurdistanê Yekîtiya Star de cihê xwe girt û li gelek bajarên Rojavayê Kurdistanê û Sûriyê xebat meşandin. Birayê Şêxa yê bi navê  Muhdî Mihemed (Dilovan) di sala 1992’yan de, birayê wê yê bi navê Dirêî Mihemed (Diyar) jî di sala 1993’yan de jiyana xwe jidest dan.

ANHA/ŞAM