Kalkan sernî de pîrozkerdinê Newrozê 2015 sero qisey kerd û kesê welat û teverê welatî de tewrê Newrozî biyê selam kerdî.
Kalkan qalê hefteyê qehremanîn jî kerd û şexsê Mahsûm Korkmaz û Mazlûm Doganî de, heme şehîdê azadî ê Kurdistanî ardî vîrî.
Duran Kalkanî çalakiya Newala Qesaba sero jî qisey kerd û wina vat: ‘Newala Qesaba de, qehremanê en gird ê tarîx estê. Lazimo wija abiyo. Gerek qandê akerdinê wijay, têkoşîn bidiyo.’
Azadyê Komîteyê Rayverîn ê PKK’î Dûran Kalkan cewab da persanê derheqê demê çareserîn de û vat ki, AKP kewta miyanê tarsê girdî, coka bi lejê taybet ramena û êrişan kena.
Kalkanî wina dewam kerd:
‘Senî ki Erdoganî dî, demê çareserîn kewto merheleyê cidî, mudaxele kerd. Nika vera heme çî vejiyeno. Qe jew armancê çareserîn ê Erdoganî çiniyo. Hedefê ey dewamê îktîdariyo. La belê bi sebebo ki, dî hinî kayê înan nêşino ravey, mudaxeleyê demê çareserîn kerd. Hedefê AKP ê çareserîn çiniyo û wastenê AKP teniya, werte ra hewadayinê PKK yo.’
Kalkan hereketê lejkerînê artêşa tirk ê Bakurê Kurdistanî sero jî qisey kerd û vat: ‘Gerek gerîla jî cewab bido êrişan. Ma qandê aştî israr kenê, la belê quwetê mayê lejî jî esto.
Kalkanî eleqe ant êrişanê AKP ê vera HDP ser jî û vat: ‘AKP bi êrişanê vera Selahattîn Demîrtaşî wazenê, HDP binê benê weçînayinî de biternê. Lazimo çoşmeyê demokratîk jî vera enê êrişan vengê xo berz bikirê. Seweta şikinayinê hegemonya AKP, alternatîf HDP ya. Coka weçînayinê 7’ê hezîran muhîm û tarîxî yê’.
Duran Kalkanî êrişê peyinê vera Rojawa sero jî qisey kerd û vat: ‘DAIŞ darbeyê girdî werdî. La belê mesele teniya DAIŞ niya. Quwetê wazenê destkewtinan kurdan kemî bikirê, DAIŞ desteg kenê’.
NAVENDA XEBERAN