Çewlîg Dara Hênî de qeraqolê Ziver ra pê eştişê topan dewê Kalxasî de şewat (veş) veciya. Şewat pê ixmalkerdişê dewlet û tesîrê vayî herema hîra re bi vila û dûmarê dew de bi gir.
Dewa Kalxasî binê talbikeyê çînbiyayîşî da. Dewijan semedê hûnakedişê adirî muracat rayveranê dewlet kerd. La hetûn inkey quwetanê dewlet mudaxale nêkerd û dewijî merge re terk kerdî. Dewijan arde zûne ke eke şewat yew hel cuwaver hûna mebi dew veşana bena tar. Hûnca dewê dûmarî zî hay binê talbikeyî de û şewat lez beno vila û hetê sînorê Amed da şino. Per bîn ra yew hefte hêver zî Xarpet-Palû de şewato ke eskaran veti bi hetûn dewê Kalxasî amebi.
Çolemêrg û qezayanê ci de zî veşayişo ke hetê eskeran ra veciyo dewam keno. Çolemêrg, Şemzînan, Çelê û Gewer de bi rojano veşayîş pê girdbiyayîşa rameno. Şewate ra bi hezaran hektar erd veşa û bi wel. Quwetê dewlet nê şewat kenî hûna nê zî verdenî şar pê îmkananê xo ya hûnak. Dewijê ke wazenê adir hûnakir hetê eskeran ra astengiyene.
ÇEWLIG/ÇOLEMÊRG