Goreyê hûmara Bankaya Dinya, sera 75 cinîyê Kamboçya sektorê çînayîşî de xebitînê. Musteşarî Wezaretê Çînayîşî, Daristan û Masegirî Mom Thany bala ante ser girîngîyê cinîyan ê cagirewtişê berardişê sektorê çînayîşî de, prosesê berardişî de û rotişê pîyasayî de û va ke cinîyê citkarî hukmat û sazgehê komelê sivîlî de piştîdayîş gênê û ganî xo bi cesaret bikerê.
Hukmatê Kamboçyayî peynîye 2015an de semedê şert û mercê cinîyê ke dewan de cuyenê baş bikerê û teşwîqê sektorê çînayîşî bikerê polîtîkayê xo têduştî yê cinsîyetkarî bi ca ardê. Sazgehê komelî yê ke hukmatî dir xebitîyenê Forumê Piştdayîşê Citkarî Cinîyê Netewî bi ca ardî. Forumî de 100 cinîyê citkarî ke 24 bajarî ra beşdar bî û çînayîşî de kam rayîr do bêro taqîbkerdiş ame munaqeşekerdiş.
‘Ganî cinî xo bi cesaret bikero’
Musteşarê Wezaretê Çînayîşî, Daristan û Masegirî Mom Thany bale ante ser girîngîyê cinîyan cagirewtişê berardişî de sektorê çînayîşî de, prosesê berardişî de û rotişê pîyasayî de û va ke cinîyê citkarî hukmat û sazgehê komelê sivîlî de piştîdayîş gênê û ganî xo bi cesaret bikerê. Ty Ratana ke sazgehê komelî yê sivîl ya Cuya Bi Rûmet (Life With Dignity) kordînatorî kena da zanayîş ke her ke cinî sektorê çînayîşî de xebitîyayê koçberî ameyê astengkerdiş û deynê keyeyan kêm bîyê, berardişî zêde bîyê.
Citkaranê mintiqaya Battambang Dem Sreylîm zî da zanayîş ke sektorê çînayîşî bê cinîyan aver nêşino û va ke o ke pîyasa dîyar kenê û pêameyîş bi ca anê cinîyê. Mintiqaya Preah Vilhear citkareke bîne Leang Sangeam jî wina va: “Eke pê dir citkarî bikerê do koçberî bêro astengkerdiş. Ez nêwazena merdim domananê xo verdê û şêrê welatê ke bîn bixebitîyê.”
ŞÛJIN/ANQARA