Çalakîya grevê vêşanî ya Nurîye Gulmene û Semîh Ozakçayî roja 206. de dewam kena. 2 rojî verê mehkemeya çalakgeran estbîye û her di çalakgerî zî serbest veranêdîyayî û mehkeme taloqê 20ê teşrîna verêne ameye kerdiş. .
Babete ser o avûkate Duygu Demîrele qisey kerde. Demîrele va ‘dosya de nameyê sucê çalakgeran, grevê vêşanî amebî nuştiş’ û wina dewam kerde: “Înan bi îdîaya ‘endamê rêxistine bîyayene’ ra tewqîf kerdbî, labelê şar bawer nêkerd û cok ra binê dosya de grevê vêşanî ame nuştiş. Seba ke Gulmene û Ozakça grev de bî, ameyî tewqîfkerdiş, endamîya rêxistine mehne yo. Ê zî bi hawayo baş zanî ke Nurîye û Semîh heqdar î.”
Demîrele dîyar kerde ke herçiqas ke grev 200 rojî ra derbaz bî zî mehkeme taloqê 1 aşme dima bîye; no wehşet o û wina va: “Xora hêzê mehkeme çin o ke Nurîye bîyaro mehkeme. Ma texmîn kerdêne ke do veranêdî. Xora Wezîrîya Karê Zereyî kitabêko weşêna û no kitab derheqê ‘terorîstîya Nurîye û Semîhî’ de nusîyabî. Nika kamcîn hakim eşkeno Nurîye û Semîhî tehlîye bikero.”
Ez wazena biagêra
Demîrele qiseykerdişê xo de bale ante rewşa Nurîye ser û wina va: “Moral û motîvasyonê Nurîye baş o. Labelê şert û mercê aye baş nîyî. Odeyêko zaf şenik de manena û nêşena bimeşîyo. Nurîye herkesî rê silamî kerdî û va; ez nêweş nîya û wazena biagêra.”
JINNEWS/ANQARA