Kombîyayîş bi beşdarîyêko girseyî dest pê kerd û seba ke salon de cayê roniştişî nêmendbî, zaf kesî nêçare mend bi ke paye ser o bimanî. Kombîyayîş de temsîlkarê AGÎF, ATÎF, BÎR-KARe zî hadre bîyî. Peynîya deqeyêka rêzgirewtişî hemserekê NCDK-Wuppertalî Savci Azar qiseyê xo kerd û peynî silamdayîşê beşdaran sînevîzyonê 12 deqeyan ê Sariyildiz bi xo ra ardbî, da temaşekerdiş. Peynî wekîlê HDPe yê Şirnexî Faysal Sariyildiz qise kerd û vat ke Kurdistan û Tirkîya de pergalê faşîst bi rengêko giran hêrişê şarê kurdî keno.
Tarîxa bi qehremanî
Sariyildiz aşkera kerd ke dîroka merdimî hem hetê weşîye hem zî hetê nêbaşîye yena nuştiş û wina dewam kerd: “Ser nameyê wehşet û qirkerdişî dîrok newe ra ame nuştiş la eynî demî de dîroka serkerwtişê, dîroka xoverdayîşî û dîroka qehramanî newe ra ame nuştiş. Kurdistan û Tirkîya de pergalê faşîst hêrişê cidî û qirkerdişê cidî dijî şarê ma kurdî ser o keno. Sûcêko gird dijî merdimî yeno kerdiş la şarê ma qet bêveng nêmaneno û xoverdayîşo gird dano.”Sariyildiz ciresna ke beşdarîya Kampanyaya Malbatê Bira yeno manaya pîştîşê birînê domanê sêwî mendî, malbatî ke hêrişan de zirar dîyî û wina peynî kerd: “Cizîr de bi seyan sêwî estî, bi desan merdimî hêrişê peynî de cuya xo dest dayî zewicî bîyî. Hemserê/a înan, domanê înan, merdimê înan nika bêkes mendî zaf banî xira bîyî. No ser zî ganî na kampanya hetkarîyêka gird bêra dayîş û na kampanya hera biba.”
ANF/WÛPPERTAL