Aşma hezîrane ra nata 980 domanî kampê hamnanî ya Gedeyan ra îstîfade kerd. Hemşaredara ma Gultan Kişanak zî beşdarê merasîmê qedîyayîşê kampî bî.
Midurtîya Beşa Xizmetê Krêşî ya ke Şaredarîya Bajarê Gird a Amedî ser o xebatan ke amser raya desine semedê gedeyan Kampê Amnanî organîze kerd. Şaredara ma Gultan Kişanak zî beşdarê şewa qedînayîşê kampe bî.
Amserr tenya mîyanê şaristanî ra ney teberê şaristanî ra qezayan ra zî domanî beşdarê kampe bîyê. “Kampê Domanan a Hamnanî” a ke Şaredarî Golê Hezarî de her serre virazena parr 900 gedeyan tira îstîfade kerd. Emserr humara domanan amey zêdekerdiş. Emserr 980 domanî şîyê kampî. Onca emserr cayê kampî de îmkanî ameyê zêdekerdiş. Cayê prefabrîk ê newî ameyê viraştiş, heme cayê sereşutiş, tuwalet û honzî ameyê newekerdiş. Domanan wextê xo yo veng de langirt, tenîsê maseye, hokeya maseye, badmînton, voleybol, basketbol kay kerd û kampî de wextêko weş vîyarna.
Bi şuşeyan konser
Hemşaredara Şaredarîya Şaristanê Girdî ya Amedî Gultan Kişanak, Serekê Pêroyî yê DÎSKî Zulkuf Karatekîn, Hetkara Sekreterê Şaredarîya Şaristanê Girdî ya Amedî Rojda Balkaş, serekê daîreyan û endamê meclîse zî beşdarê şewa qedîyayayîşê kampe bîyê.
Gultan Kişanak kampî de gêra û domanan dir sohpet kerd. Kişanak dim ra zî werd vila kerd, domanan dir sifre de rontiş, înan dir fotografî antî. 102 domanê ke Atolyeya Rîtîm ya Xozayî de perwerde vînayênê pê çetal, kuçik, kovayo plastîk, şuşeyê pet konserêk da.
AMED