Rojawayê Kurdistan de rixmê herb û pirodayîşan, wisar bi pêro îhtîşamê xo, hikmê xo dano ciwîyayîşî ser o û seba mordeman beno helmêke pake. Kantona Efrîn -ke zey cenetê êmîşî (meywe) yeno silasnayen- de zî rewşe hina yo. Hardê Efrîn nika bi mîlyonan daranê zeytune, sêzere, vamêre tuyêre, sayêre, henarêre, mişmişêre, gilyazêre, êrugêre açarnîyayo zey dengizekê keske.
Tayî cayanê Kantona Efrîn de pirodayişî ramenê. Herb û heyat paralelê pê de rameno. Dewanê girêdayê Kantona Efrîn de hêgayê axpîne estê û ser o hawayê zad, darê êmîşî û tarrûtur yenê resnayene.
Bi ameyenê wisarî ra pîya nika ra arê kerdenê û bazare de rotişê gilyaze, firinge û erûge dest pakerde. Firinge û erûge ra dima nika zî wextê galyaze yo. Dewa Meriske ke girêdayê merkezê Efrînî ya de cinî, seba rotişî dest pa arê dayenê gilyaze baxçe û hêgayanê xo kerdî.
NÛJÎYAN MÛNZÛR / EFRÎN