Karasû 10 xalê Ocalanî jî zey xalê demokratîk-kerdinê Tirkiye hesibina û wast ki verniyê pêdiyinê PKK û Ocalanî abiyo.
Endamê Konseyê Rayverîn ê KCK”î Mustafa Karasû derheqê demê çareserîn û 10 xalê Rayverê Şarê Kurd Abdullah Ocalanî de ANF”ê re qisey kerd.
Karasû kombiyayişê Saraya Dolmabahçe zey, kombiyayişê muhîm hesibina û vat: Kombiyayiş bi tewribiyayişê wezîran, temsîlkarê AKP û muşteşarê ewlekarîn ê dewlet viraziya. Bi enê kombiyayişa resmî Rayver Apo û Hereketê Azadiyê Kurd mûxatabê meseleya kurd qebûl bî.
Karasû eleqe ant munaqeşeyanê şaş ê Tirkiye ser û vat:
Tirkiye de heveyê çoşmey, zeki çiyê bêtifîngkerdinê PKK estbo, qisey kenê. Çiyê winayin ne pêdiyinanê Îmralî û ne jî mesaja Rayver Apo de esto. Gerek eno rind bizaniyo. PKK hinî teniya Bakurê Kurdistanî de niya. Quwetê lejkerîn ê xeta îdolojiyê PKK, Şengal, Kerkuk û çoşmeyê Mûsil de jî estê. Coka çiyo ki Îmralî de munaqeşe beno, bêtifîng-kerdinê PKK niyo. Çiyo ki munaqeşe beno, vindarnayinê lejê tifîngîn ê vera Tirkiye yo. Rayver Apo, qandê komkerdinê kongreyê PKK niyetê xo eşkere kerd. Hetanî hukumetê tirk, gamanê pratîk meçekiro, kongreyê PKK kom mebo.
Karasû eleqe ant muhîmînê 10 xalê Ocalanî kerdê hedrey jî ser û vat:
Ê xalê Rayver Apo demokratîk-kerdinê Tirkiye û azadiya heme şaranê Tirkiye esas genê. Rayver Apo û ma, çi kewt milê ma ser, ma ard ca. Hinî qorê AKP yo. Lazimîn bi gamanê pratîk esto. Iyê ki vanê ‘demê çareserîn rind şino û ma qandê çareserîn qerardarê” gerek lazimînê ê vatenanê xo biyarê ca. Hetanî gamanê pratîk meçekirê, qîmetê vatenanê înan çiniyo. Gerek heyeta çimdarîn roniyo. Giroteyê nêweş dest de viradiyê. Gerek raya pêdiyinê Rayver Apo û hereketê ma abiyo. Gerek a pakêta berda meclîs peyser bianciyo. Eki ti samîmiya û tiya pirsgirêka kurd çareser bikirê, çira pakêta winîn bena meclîs? Ancî gerek viraştinê qereqol, bendaw û rayê bi qandê wastenê lejkerîn vindariyê. Soz bidiyo hinî siyasetkarê megeyriyê.
NAVENDA XEBERAN