Azayê Komîteyê Rayverîn ê PKK û Fermandarê Qerargeha Merkezê Pawitinê Şarî Murat Karayilanî ra pîya, bi desan fermandar û gerîlayî zî tewrê merasimî bî. Fermandarê Qerargeha Merkezê Pawitinê Şarî Murat Karayilan merasimî de qisey kerd û eleqe ant muhîmînê hamleya 15ê Tebaxî ser.
Karayilan'î bi nê vatişan qalê muhîmînê hemleya 15"ê Tebaxî kerd: “Hemleya 15ê Tebax teniya îsyanê vera îşgalkarîn niyo. Ena hemle raya şoreşê fikrî, cematî, sosyalî, cenî û demokrasî akerd. Ena hamle rihê netewî û demokratîk ê Kurdistanî vet werte.”
Karayilan'î derheqê tesîrê hemleya 15ê Tebax yê ser Tirkîye va ‘Hemleya 15ê Tebax, vernîyê herabîyayinşê faşîzmê 12ê Îlonî girot.
Wa kes bi adir kaynêkero
Karayilan'î eleqe ant rol û muhîmînê Rayverê Şarê Kurd Abdullah Ocalan'î ser û bi nnê vatenan sermîyanê tirk aya kerd: “Weşîya Rayver Apo binê taluke de ya. Çiyê winayin yeno maneyê, weşiya heme lîderanê Tirkîye binê taluke de yo. Coka ewleyîya Rayver Apo, ewleyîya Tirkîye yo. Wa herkes ena rastîn bizano. Quwetê Pawitenê Kurdistanî, fedayîyê Rayver Apo yê. Êrişê vera Rayver Apo, zulmê vera pêrinê şarê ma yo. Wa Erdogan rind bizano, qanûnê her lejî esto. Qanûnê dişmenayî zî esto. Gerek Erdogan sînoran nêravêro. Wa qe kes, bi adirî kay nêkero. Desinde viradê wa jew heyet şiro Îmrali. Wa herkes goş bido enê qalan û vengê ma. Eke winî nêbo, lejê Kurdistan, açarîyeno lejê bê qontrolî. Çiyê winayin ra zî Erdogan do mesûl bo.
Gerîlayan verniyê qirkerdişî girewt
Karayilan'î vist vîrî ke, Quwetê Pawitenê Şarê Kurdistan hinî pêrinê Rojhelatê Mîyanî de biyê quwetê tesîrin û wina dewam kerd: “Gerîlayanê azadiyê Kurdistanî, lejê 32 serrîn de xo îspat kerdo. Hinî raya azadî de şino ravey. Hinî wextê serkewtişî ameyo. Gerîla verniyê qirkerdişî girot û raya reyayin û azadî akerd.” Karayilanî serkewtişê hamleya Minbic zî selam kerd û qandê çareserînê siyasî ê meseleya kurd zî, na mesaj da: “Ma zey PKK, wazenê meseleyanê xo bi lejî nê, bi diyalogî çareser bikerê. Rayver Apo qandê meseleya kurd rayanê aştî û siyasî çareser bibo, ariq rijna. La belê verniyê ma de, dîktator û dişmenê zey Erdogan esto. Erdogan her roj fermanê kiştişê kurdan dano, fermanê rijnayişê sûkanê ma dano. Ma dê vera dişmenê winayinî heta peynî xover bidê û no lejî qezenc bikerê. Wext wextê rasto û îmkanê serkewtişî zî estê.” Badê qisanê Karayilan'î hunermend Ozan Dîyarî serva gerîlayan konser da.
ANF/BEHDÎNAN
‘15ê Tebax quwetê pawitenê cenîyan o’
Koordînasyonê Partiya Azadiyê Jinên Kurdistanî PAJK pê yew mesaja serragêra Hemleya 15ê Tebaxî bimbarek kerd. PAJK şexsdê Fermandar Egîdî de pêrokîn şehîdê Tekoşînê Serbestiyê Kurd yad kerd û hêna sozê ci rê giredayene arde zûn.
PAJK roşanê 15ê Tebax pê sozê serkewtişî bimbarek kerd. Eşkerakerdîş de eleqa ûnciya muhîmînê 15ê Tebaxî ser û hina vacîya: “15ê Tebax êr têna şarê Kurd rê nê, şarê Rojhelatê Mîyanî rê zî berê (kêber) weşiya azad û tekoşînî kerde a. Vera serdestan raştiye lejkerdişê şarî vete binate. Sûr, Nisêbîn, Cizîr, Gever, Rojava,Şengal û cayê bînan de, tekoşînê xorayverîn xo ser yew şoreşo.”
Çeher peran de tekoşînê cenîyan
PAJK tekoşînê çeher peran ê Kurdistanî de rolê cenîyan arde vîrî û vat: “Bakur de YPS-Jin, Rojawa de YPJ, Rojhelat de HPJ, Şengal de YJŞ û Kerkuk de rêxistinê eskerin ê xorayverîn îradeyê îdeolojiya xelisnayîş ê cenîyan o. PAJK serbestiyê Ocalanî sey serbestiyê ceniyan hesibna û va: “Semedê serbestiyê Rayver Apo lazimo ke her per Kurdistan de quwetê pawitena pê girdbiyayîşa tekoşîn bikerî. Waxt waxtê dişmenê cenî û merdimiye, diktatorê faşîstan rijnayîş o.“ Pêniyê eşkerakerdiş de vêrnî de ceniyan û gencan, pêroyê şaran ra waziya ke pê çalakiyanê radikalî biveciyî kuçeyan û wahar Rayverê xo bivecî.
BEHDÎNAN