Karkerî nêşenî domananê xo bierşawî mekteb

400 karkerê ke Şaredarîya Avcilarî ya Stenbolî de xebetîyenî, nizdîyê 1 serrî yo ke nêşenî bi hawayo nîzamin meaşê xo bigîrî. Karkerê ke 24ê Temmuze de seba ke meaşê xo nêgirewtbî, dest bi grevî kerdbî. Karkeran ra Kemal Uzun û Tayyar Guzelî babete ser o dîyar kerdî ke seba ke ê nêşenî meaşê xo bigîrî, nêşenî debara keyeyê xo zî bikerî. Karkeran va ‘seba ke meaşê ma nêdanî, ma nêşenî domananê xo bierşawî mekteb’. Sekreterê Malî yê Şûbeya 2î yê Stenbolî Savaş Doganî zî va ‘cok ra psîkolojîyê karkeran xira bîyo’. 

 STENBOL