Gurekarê fabrîkayê Çerkezkoyê Tekîrdagî zî derheqê referandûmî de qisey kerdî.
Gurekaran ra Muharrem Kalkanî (35) aşkere kerd ke ‘sermaye ser ariq, gonî û hesiran de, xo awan keno.’ Kalkanî dîyar kerd ke wextê îqtîdarê AKP de ked û heqê merdiman çin ame hesibnayîş û va, ‘Cok ra ma do referandûm de vajî nê.’
Hetê ma de nîyo
Karkerê bi nameyê Halîm Canî (42) zî wina va: “Hukmat hetê ma de nîyo. Wa dest nêdî tazmînatê kidem û keda ma. Cok ra ez vana nê.”Oğuz Aktepeyî (29) ke girêdayeyê sendîkaya BATÎSî yo, qiseykerdişê xo de wina va: “Îqtîdarê 15 serran çîyêk nêda mi. Kamcîn partî beno wa bibo ez sîstem û selahîyetdayîşê kesêkî ra vana nê. Edalet her çîyê welatî yo. Cayêko edalet tede çinê bo, ewja de zulm zêde beno. AKP vîşêrê çinkerdişê heq û kedan çîyêk nêkerdo. Cok ra ez vana nê.”
Şert û mercê karî
Mehmet Demîrî (43) zî da zonayen ke o nêwazena girêdayeyê qerarê kesêk bibo û cok ra o vana nê.
Temsîlkarê Sendîkaya BATÎSî yê Çerkezkoyî Yahya Vîdînlîogluyî zî qala şert û mercê karkeran kerd û wina va: “Karkerî sînorê vêşanî de xebetîyenî. Karkero ke endamê sendîkayan bibo gure ra yeno eştiş û tazmînat nêdîyeno karkerî. Karkerî nêeşkenî deynê fature û kredîyan bidî. Karkerî kîmyasalan ver nêweş kewenî û mirenî. Cok ra Nê.”
DÎHABER/TEKÎRDAG