Weşanên Sîtavê ji bo fêrkirina Kurdî ya di nava civakê de hêsan bike û Kurdî pêş bixe Kartên Jîran çap kir. Berpirsiyarê Weşanên Sîtavê Qahir Beteyî, diyar kir ku yekem car projeyek wisa amade dike. Têkildarî projeyê Qahir Batayî anî ziman ku armanca wan ewe ku Kurdî di nava civakê de bêtir pêş bixin, fêrkirin û hîndekariya Kurdî ya ji bo zarokan hêsantir bikin. Batayî, anî ziman ku di zimanê tirkî û îngîlîzi de jî desteyên pirtûkên bi vî renî hene û xwendekarên zarok bi vê rêbazê hêsantir û lezgîntir fêrî ziman dibin û wiha got: "Di fêrbûn û perwerdehiya ziman de rêbaza dîtbariyê pir girîng e. Pêdiviyek mezin bi fêrkirin û hînkirina zimanê Kurdî heye. Kartên Jîran ji bo hînkirin, fêrkirin û xwendina zarokan dibe alîkarî."


Zimanzan û pedagog jî vê rêbazê diparêzin
Beteyî, anî ziman ku pispar, zimanzan û pedagog jî ji bo hînkirin û fêrkirinê gelek xebat meşandine û di lêkolînê de piştgiriyê didin vê rêbaza ku raste rast hîdabî çav û meji dikin û wiha berdewam kir: "Ev kard di Kurdî de gavek yekem e. Heta niha bi zimanê Kurdî weşanek bi vî rengî nehatiye kirin. Bi taybetî kesên bi Kurdî nizanin û bixwazin fêrî Kurdî bibin rêbazek baş e. Ev deste ji 361 kartan pêk tê. Li ser kartan wêneyê team, sewal, libas û alav û amûrên jiyanê hene."

'Ji bo kesên Kurdî nizanin baş e'
Beteyî, anî ziman ku zarokên fêrî Kurdî dibin vê rêbazê ji bo xwe wekî lîstikekê dibînin û hem dema xwe derbas dikin û hem jî fêrî ziman dibin. Batayî, da zanîn ku ev ne tenê ji bo zarokan, ji bo hemû kesên bi Kurdî nizanin rêbazek baş e. Batay, da zanîn ku zarok bi van kartan fêrî 361 peyvan dibin û her peyvek bi xwe re peyvek din fêr dike. Batayî da zanîn ku rêbaza dîtbarî hiş û aqil xurt dike û ji bîra mirovan zû bi zû naçe.

DÎHA/WAN