Kaya wina vat: “Heme dinya no xoverodayişê şarê Kobanê ra rêz mojnena la belê seba ke çapemenîya tirk di Tirkîyayê de no xoverodayişê raşt nêmojnena, no ser zî şarê Tirkîya no xoverodayişê ra bê hîsgêrî nêz bena. Kobanê Gazzeya Kurdistanî yo la belê çew vengê xo nêvejneno. Çend aşmê verê di Tirkîyayê de heme dorûverî ra kesan vejîyaybi waran Îsraîl şermezar kerdbi la belê ez fam nêkena verba no qirkerdişê qey şarê Tirkîya bêveng vindeno.”
‘MA BERÊ XO AKERD’
Kaya bal ont ser vatişê hukûmata AKPijê ya ‘Ma berê xo akerd’ û wina dewam kerd: “Tirkîya nika dermanbîyîşê birîndarê Kobanê ra asteng bena û no ser zî di zaf hûmarîy de kobanêyijî cuyayişê xo day. Hukûmat eke ona dewam bikero se do kurdan xo ra neyar bikero. Di Tirkîyayê de welatijan waştê xoverodayişê Kobanê ra hetkarî bidê la belê polêsê AKP, nê çalakwanan ra zey neyar hêriş kerd û peynîya çalakîyan rîyê hukûmata AKPê ser 43 kesan cuyayişê vinîkerd. Di Ewropayê de zî eynî çalakîyan amey viraştiş la çew nêmerd û no zî rîyê faşîstîya dewleta tirk aşkera kena.”
EYLEM DAŞ - MÎZGÎN TABU/JINHA