Dewa Elmalî ya Meletî ra embaza Zîlane û endama Heyeta Rayedarî ya KJAyê Elîf Kaya, seba Zîlan vat ke a û Zîlan her tim eynî îdeolojîyê xo ra finak girewtî, fikrê înan zî eynî bîya, no ser zî hem embaz bîyê hem zî heval bîyê û Zîlan dewe de cuyayişê zaf hes kerdî.
Famkerdişê cenîyê
Kaya aşkera kerd ke Zîlan taybetê qewimyayişê şerê eşîret û remnayişê cenîyan ra zaf tesîr vîna û nê qewimyayişan zî noqteya gêrayişê azadîyê Zîlan bîyê û wina vat: “Ateya ci bi emrê şenik de ameya remnayişî û no ser zî Zîlan her tim cenîyan ra bi nêzdîbîyîşê pozîtîf de ewnîyaynê. No ser zî zaf waştî cenî hîna weş fam bikera. Zîlan keseke zaf bi paykerde bî, her tim dorûverî xo de kesan de reyde çikanê xo pay kerdî. Wendiş ra zaf hes kerdî.”
Kaya ciresna ke Zîlan taybetê zewejî ra pey nakokîyan cuya, taybetê serrê 80’an de Tirkîya de mîyanê şaran de têkilîya elewî û sunnîyan ser problemî vejîyabî, no ser zî malbatê Zîlan nêwaştî, Zîlan keseke sunnî reyde bizewija, no zî seba Zîlane bê mana ameynê la waştê malbatê xo îkna bikera û îmkanê ci zî estbî malbatê xo reyde nîqaş bikera la a her tim rayîrê pêameyişê weçîna.
Kaya wina peynî kerd: “Çimeyanê çalakîya embaza Zîlan dîroka merdimatî ya. Senî ke cenî wayîrê dîroka xo wayîr vejîyenî û cenî bingeha cuyayişê ronaya, embaza Zîlan zî kesayeteke bi no rengî bi xurtî nîşan daya. Bi têkoşîn û çalakîya xo de Zîlan heme cenîyan ra bi finak.”