Ser xebera kayyûmeştişê şaredarîya Farqîn ser şarî vizêr şaredarîya xo veng nêverda. Welatijan wekîla Hemşaredaran Zuhal Tekîner ziyaret kerdî. Tekîner ard zon ke kayyum estene verra îradê şar jû derbe ya. Bi serrano hetê mufetîşan ra şaredarî bin qontrol de bî. Hama hetê dizdene, tirtene ra tewa nidiyayî.
Şarê Farqîn wayrê şaredarîya xo vejyenê
Tekîner aşkere kerd ke; şarê Farqîn şaredarîya xo rê wayir vejiyayene dûstê derbe de zî vindeno. Welatijê ke şaredarî zîyaret kerdî hêrsê xo verra na xespî ardê zon. Welatijan vatî; ma reye xo da na partiye û nêwazeme kesî bîn berê îta. Heta ke qûwetê ma bibo nacarîme. Tew jede mirenime, hama nayê qebûl nêkeme. Hetê bîn ra dormê şaredarîya Sûr zî vizêr hetê polîsan ra bi wesayitanê zirxî ceriyayî bî.
‘Karê xo sero me’
Bado ke xebera şirawitişê kayyûman bî vila xêlê sûkan de şar kewt hereket. Êlih de şarî ver şaredarîya xo de destpa nobet girotişî kerd. Parlementer Mehmet Alî Aslanî aşkere kerd ke iyê dê serokanê korsan nêsilasnê. Ronişteyê taxa Alîgor yê Riha zî aşkere kerdî ke iyê dê xespê dûştê şaredarîya xo û kayyûman nêsilasnê. Hemşaredara Sûr Azîze Deger ard zon ke teyna xeberan ra heşiye pê û va verra îrade şar na herîş qebûl nêbeno. Deger da zonayen ke ê pêro hetê şarî ra ameyê weçinayen û va ‘ma karê xo seromî, karê xo kayyim rê canêverdame.’
Kayyûmî nêsilasneme
Heto bîn ra vizêr şaredarîya DBP yê qezaya Mûş Kopî rê kayyûm erzîya. Wekîlê hemşaredaranê Kop Arafat Kardagî ke tayînkerdişê kayyûmî rê nêrazîbîyen damûsna aşkere kerd ke şarê kurd û şaredarîya Kop bi rêxistinîya û dê kayyûmî nêsilasnê. Kardagî va ma wezîfeyê xo ser de yê û ma dê xover bidê.