Welatijan ra Ebrû Uçak vist vîrî ke şaredarîya înan serva şar gurena û va eştişê kayyum qebûl nêkeme. Uçak va kerd ke iyê ke tayîne naca bibê, ma nêçîniteme we û wina dewam kerd: “Serokê belediyanê nika bi reyanê ma kar kenê.
‘Hikûmetan îradeyê şarî nêsilasna’
Mûstafa Azboy kî hayr ant weçîntayişê şaredarîyan ser û wina dewam kerd: “Nika wazene hetê jû kes ra memûrê tayînê belediyan bibê. E ke no verniyaz bibo qanûn şar hersê xo damûsneno, dewlete hersê şariya yena têhet.” Wendekarê Zahgehî Selman Karahanli kî gurenayisê belediyanê DBP sero vinet û nînan bare kerd: “Her tim lewe wendekaran de rê. Ma hemserokanê şaredarîyanê xo ra qeyir kes nêwazeme. Tirkîye de heta ewro hukumatî îradê şarî nasnêkerdî. Iyê ke îradê şar nasnêkene, ma kî gurekaranê înan nêwazeme.
Welatijê bi nameyê Tahîr Demîrhanî kî ard zon ke şaredarî yê şarî. Verra na het gurenayiso ke belediye bînî nêramite, belediye ma ramitî. Kes hurendiya weçîntoxane ma de jû kes bîn qebûl nêkeno.
‘Faşîzm ra qeyir tewa nîyo’
Verra verniyazo ke ardiyo Meclîsî Amed de 69 Rêxistinê Sîvîl ê Civakî nêrazibiyen damusnayî bî. Vajiya ke bi estena kayyûma mavênê şarî de cerabiyayene xorî beno. Komela Mordemanê Karî yê Amed ra Bûrç Baysal zî ard zon ke ê verra na verniyazî yê û aşkere kerd ke na qanûn tewa niyana. No hêrîşo ke verra weçintoxan bero ramitene bi demokrasî eleqeyê xo kî çîno.
Baysal aşkere kerd ke e ke na verniyaz meclîsî ra ravêro, îradê weçîntoxan kî xesp beno.Qeseykerdoxê Platformê Demokrasî û Emeg ê Amed Kamûran Taşî zî da zonayen ke na qanûn taybetî serva beledîyanê sûkanê kurdan vejîyena. Taşî vist vîrî ke Saziyê Hometa Sîvîl verra na qanûnî yê. Verra estana kayyûm vinetene ke seweta ma meşrû yo.
Şar bêveng nêmaneno
Sekreterî Pêroyîn yê Baroya Amed Abdûllah Çager kî da zonayen ke bi verniyazî îradê şar nasnêkene û wina dewam kerd: “Bi kayyûm estena mesela kurdî çarenêbena. E ke belediyan rê kayyûm bierze, şar kî vera nay bêveng nêvindeno. Emelê înan belediye ke cinite we înan niya bicerê binê qontrolê xo. Kot ra kî niyaderême, na qanûn meselayan teyna keno xorî.”
Egîtîm Sen ra Abbas Şahînî zî ard zon ke şar her çî vîneno û va: “Otorîte wazena xo biresno her ca. No zihnîyetê dewlet netew o. Hedef de bêmane kerdena demokrasî esta, co ka belediyanê şarî ra dest kenê na gurenayis. Estena kayyûm teyna bi faşîzmî name bena.” Şahînî aşkere kerd ke ê zey STKyî dûştê na vernîyazî yê.
DÎHA/AMED