Kazim Dogan ke roja Şembe weşiya xo kerd vinî Dersim de defin bi. Dogan qezaya Mêzgir de hetê konvoya wesayitan ame pêşwazîkerdin. Siyasetmedaran ra piya bi desan kesî tewrê merasîma cenaze bî. Cenazeya Dogan sifte berdinîy keyeyê ci yê dewa Goman. Peycoy ser wesiyetê Kazim Dogan’î cenazeya ci mezeleyê verên yê lazê ci Delîl Dogan’î de defin bî. Hardo ke ser mezeleyê Mazlûm û Delîl Dogan’î ra girotiya, erziya mezeleyê Kazim Dogan’î ser.
Lazê Dogan’î Fevzî Dogan’î merasîm de qisey kerd û vist vîrî ke, pîyê ci rîwalê qetlîamanê Kurdistan zaf qehriyayo.
Parlamentera HDP Nûrsel Aydogan rîwalê merdişê Dogan’î xemgîniya xo ard ziwan. Hemserokê DBP Kamûran Yuksek’î zî aşkere kerd ke, pîyê Mazlûm Dogan’î biyayiş şerefê do tewr gird o. Yuksek’î vist vîrî ke ewro bi mîlyonan kes pey Mazlûm Dogan’î de ray şinê. Yuksek’î sozê serkewtiş û haştî ard ziwan. Waya Mazlûm Dogan’î Arîfe Yildirim zî merasîm de qisey kerd û vist vîrî ke, Mazlhum, Xeyrî, Cemal û Kemal’an bi baweriyê dawaya xo ganê xo day û mesaja jûbiyen da. Badê qiseyan welatijî bi slogana ‘Şehîd nêmirenê’ şî ziyaretê mezeleyê Mazlûm û Delîl Dogan’î. Şêlig badê merasîm şî xêma aza ke meydanê dew de roniya.
DÎHA/DERSIM