Verra Rayverê Şarê Kurd Abdullah Ocalan’î, o ke 17 serriyo girava Îmrali de yeno tepişten, tecrît her ke şino beno giran. Verra tecrîdî Kongreyê Hometa Demokratîk yê Kurd KCD-E, bi sloganê ‘Serva serbestiya Rayver Apo xoverdayiş gird bikeme”, “Verra kolonyalîzm biciwe xoserî, verra koletî biciwe serbestî” da destcikerdin. Ceylan’î veng da Kurdistanijan û dostanê ci ke, wayrê kampanya bivejyê.
Mîmarê çarekerdin Ocalan o
Ceylan’î vist vîrî ke, kilîtê çarekerdinê meseleya Kurd Ocalan o. Eke wazenê mesele bi raya haşitî û demokratîk çare bikerê, gune desinde tecrîd hewadê û wina qisey kerd: “Wazenê şexs dê Rayver Apo de, pêrokîn şarê Kurd û şaran teslîm bigîrê. AKP xeyrî exlaqî û xeyrî hiqûqî tecrîd açarna polîtîkayê şantajî. Tezdîbiyîna Rayver Apo yê komara tirkiye û qûwetanê mavênnetewî yeno maneya israrê peymana Lozan. Ceylan’î ard ziwan ke, Ocalan mîmarê çarekerdin o.
Bivejime meydanan
Hemserokê KCD-E Mûrad Ceylan’î hayr ant xosereyê demokratîk ser û ard ziwan ke, îdareyê xoser modelê cuyayişê şaran o. Ceylan’î waşt ke herkes destek bido û wayrê îdareyanê xoser bivejyo. Ceylan’î wina qisey kerd: Gune pêrokîn rêxistinê KCD-E ronayişê sîstema modernîteya demokratîk zey deyn bivînê û bivejyê meydanan.
ANF/BRUKSEL