Komîteya Bawerî û Şaran ya KCKyî bi wesîleya Roşanê Remezanî îzehetêko nuştekî daye. Komîteye roşanê heme alemê Îslamî pîroz kerde û dîyar kerde ke wa no roşan bibo wesîleya rojê ke azadîye, seyyewbînanî, aştî û biratîye tede hakim î.
Komîteye îzehetê xo de vato ‘dewleta tirkî Sûr, Cizîr, Silopî, Şirnex, Nisêbîn û Efrîn ra dima nika Başûrê Kurdistanî de hêrişê kurdan kena’ û wina domnayo: “Erdogan û AKP dişmenîya kurdan de sînor nas nêkenî û aşma Remezanî de bi mergê kurdan pesnê xo dayênê. Erdogan qatilo ke bi merdeyan reyde pesnê xo dano yo. Ti ferqê ci û zîhnîyeto ke Kerbela de bebek û cinîyan qetil kerdî çin o.”
Komîteye îzehetê xo de wina vato: “Roşanê Remezanî ra dima do weçînayîşî bêrî viraştiş. Hewteyo peyên de AKP û Erdoganî Qendîl, Şengal û Mexmur hedef nawitî. Ma veng danî herkesî ke wa ti kes raya xo nêdo AKP û Erdoganî. Kurdê ke heta nika bi mehneyanê cîya-cîyayan rayê xo dayênê AKPyî, wa êdî destek nêdî ci û nêbî ortaxê sucanê ci. Ewro çîyo tewr merdimîye, vera Erdoganî de vindetiş û têkoşîn dayîş o.”
Ganî ma wayîrê şehîdan bivejyî
Komîteye peynîya qiseykerdişê xo de bale anto wayîrvejîyayîşê şehîdan ser û wina vato: “Ganî ma piştî bidî keyeyê şehîdan û merdimê hepsîyan. Bi wesîleya nê roşanî ma vera vîrardişanê şehîdan de sereyê xo tewênenî û ma soza xo dibare kenî. Ma şexsê keyeyê şehîdan de roşanê heme kurdistanîyan pîroz kenî.”
ANF / BEHDÎNAN