Azaya Konseyê Rayverîn ê KCK Fatma Adir seweta weçînayinê 7’ê hezîran veng da weçînayoxan.Fatma Adir kurdistanij û çoşmanê demokrat ra wast ki, seweta serkeftinê HDP seferber bibê.
Azaya Konseyê Rayverîn ê KCK Fatma Adir seweta weçînayinê 7’ê hezîrani ANF rê qisey kerd.Fatma Adir eleqe ant muhîmînê weçînayinî ser û vat ki, eno weçînayin ê hetanî nika ra zaf zaf muhîm o.
Adir ard ziwan ki dayinê her ray, qandê azadiyê cenî, demokrasî û azadiyan xizmetê girdo û wina dewam kerd:”Serkewtinê HDP, raya azadî û demokrasî akero. Bi serkewtinê HDP, kultur û perspektîfê neteweyê demokratîk ê şaran vejiyo ravey. Kulturê weşîna piya û zeypê qezenc bikiro. Her şar û baweriyê bişê xo îfade bikirê. Coka raydayinê HDP, raydayinê azadî û demokrasî yo.Raydayinê HDP, demokratîk-kerdinê Tirkiye yo.”
Adir vist vîrî HDP hedef kerdo Ewrupa de 400 hezar rayan bigiro û vat: “Heme kurdistanij, çoşmeyê demokrat û çep, cenî, genç û elewî, semedê serkewtinê HDP, heme qûwet û îmkananê xo sefeber bikirê. Rojê raydayin dest keno ci hetanî rojê peyinî, şew û roj bixeftiyê. Eki wina bikirê, HDP bişo 400 hezar rayê hedef kerdê jî, ravêro.”
Azaya Konseyê Rayverîn ê KCK Fatma Adir dazanayin ki Ewrupa heme mintiqa û letan ra kurdistanijî estê û wina vat:”Mereş, Dîlok, Botan, Mêrdîn, Serhat, Amed, Dersim û Çewlig ra, se hezaran kesî koçê Ewrupa kerdo. Ancî letanê bînan ra xeylê kesî estê. Şarê Tirkiye estê. Asûrî-suryanî, tirkmen, ermenî û xeylê şarê bînê Tirkiyeyijî Ewrupa de estê. Gerek ê heme şarî qandê 7”ê hezîran bixeftiyê. Serkewtinê HDP, bibo serkewtinê înan.Ma emel kenê, şarê ma, goreyê enê vengdayişê ma hereket bikirê. Ma nika ra înan selam kenê.”
Azaya Konseyê Rayverîn ê KCK Fatma Adir Avrupadaki Kurdistanli ve tum demokratik kesimleri HDPye destek vermek icin oy kullnamya cagirdi. Adir : “400 bin oy hedefine ulasmak icin herkes uzerine duseni yapmalidir.
NAVENDA XEBERAN