Hevserokînê Konseyê Rayverîn ê KCKî bi wesîleyê hefteyê qehremanîn damûsnayinê da û şehîdê qehremanî ardî vîrî.
KCK'î vist vîrî ki, aşma adar qandê hereketê şoreşger û azadî ê Kurdistan û Tirkiye aşma berzkerdina têkoşînî û eynî wext de, aşma şehadetanê girdana û wina vat: Ma şexsê fermandarê gird û efsanewî embazê Egîd, Kawayê Hemdem Mazlûm Dogan, Zekiye Alkan, Rahşan Demîrel, Bêrîvan, ronahî û Mahîr Çayan de, heme şehîdanê azadî, demokrasî û sosyalîzmî anê vîrî. Sozê berzkerdinê têkoşînî û ronayinê cuyayişê azad û demokratîk fina bîn anê ziwan.
KCK ard ziwan ki, ê 29in seraçarnayinê şehadetê fermandarê gird û qehremanê netewî Egîd de, vera azadî şinê û wina vat: Rihê şoreşgerînê serranê 1971, xoverdayiş û şehadetê embaz Mahîr Çayanî, tarîxa têkoşînê azadî, demokrasî û sosyalîzmî de cayê muhîm geno.Kawayê Hemdem Mazlûm Dogan, zîndanê Amedî de bi 3 çopanê kîbrîta adirê Newrozî kerd berz û rihê îsyanî hewada pay. O adiro Mazlûm Doganî kerd berz, vilayê heme cayê Kurdistanî bi. Embazê Egîd jî, wexto ki rihê xoverdayinê kurdan nêmendbi, koleyin û teslîmiyet serdest bibi, guleyê yewîn eşt û rayverînê hamleyê 15"ê tebax da kerd.
KCK'î dazanayin ki, ewro HPG, YPG Û YRK miyan de bi hezaran Agîdê genc û fermandarî ca genê û wina dewam kerd: Şexsê embaz Egîdî û raya serkewtin ê Rayver Apo de, xeta têkoşîn û xoverdayin roniyaya. Rayver Apo qandê ey vatibi 'keso en weş ez fam kerda'. Embaz Egîd jew vindartin bi. Tenezulê çiyê rehetî nêkerdê. Hertim zor weçînayinê û serkewtê. Wayirê şexsiyetê serkewtinî bî. Hakîmiyetê ey ê xeta lejkerîn, cesaret û hamleyê ey, rastînê artêşbiyayinê şarê kurd vet werte. Xoverdayişê xeta Egîdî, nika Kobanê û Şengal de mûsiyeno heme çoşmeyan. Ma serraçarnayinê şehadetê embaz Egîdî de, hefteyê qehremanîn ê şarê xo pîroz kenê. Şarê xora wazenê, goreyê rihê Egîdan, hefteyê qehremanîn pîroz bikirê.
ANF/BEHTÎNAN