10ê teşrîna verêna 2015î de Anqara de qetlîyamêk amebî viraştene û netîceyê qetlîyamî de 105 kesî merdbî û bi seyan kesî zî birîndar bîbî. Hemserekîya Konseyê Caardişî yê KCKyî îzehetêko nuştekî daye û kesê ke merdî yad kerdî.
KCKyî îzehetê xo de vato ‘3 serrî verê Tayyîp Erdogano faşîst, bi çeteyê ke hetê MÎTî ra ameyêne kontrol kerdene, hêrişê rayîrraşîyayîşê aştî û demokrasî kerd’ û wina domnayo: “105 demokratî qetil kerdî û bi seyan kesî seqet verdayî. Erdogan seba ke îqtîdarê xo vînî nêkero, netewdewletê qetilkaran reyde îttîfaqêko lêmin viraşto û bi no hawa hewl dano emrê xo derg bikero.”
KCKyî vato ‘qetlîyamo ke Anqara de ame viraştene, têkoşînê ortaxî yê kurd û hêzanê demokrasî yê Tirkîya hedef girewt’ û wina domnayo: “Çarçewaya projeyê Rayber Apoyî de hêzê demokrasî û kurdî yewîyêka xurte awan kerdî. Bitaybetî weçînayîşê 7ê hezîrane de gamêka muhîme ameybî eştene. Yê ke na yewîye de mergê xo dîyî, nê qetlîyamî dayî viraştene.”
KCKyî peynîya îzehetê xo de kesê ke qetlîyam de merdî bi rêzdarî yad kerdî û wina vato: “Ma şehîdê 10ê teşrîna peyêne biminnet yad kenî. Ma sozê xo yê awankerdişê Kurdîstano Azad û Tirkîyaya Demokratîke dibare kenî.”
ANF / BRUKSEL