KDP partiya Kurda ya, partiya TC’ya?

KDP, tarixe Kurdîstanê de ge ge bîya şirîkê Îranê. Ge ge bîya şirîkê Iraq û Saddamî.

Ge ge bîya şirîkê T.C.  KDP yane PDK tena nêbîya şirîkê partîyanê şarê kurdî. KDP, bîya şirîkê Îranê hembere KDP-Îranê şer kerdo. Silêman Maunî înan kiştî û cesed-tirmê înan teslîmê Îran kerdî. KDP, 1996’an de bîya şirîkê Saddamî, tanqê Saddamî ardî Hewlêr û hêrîşê YNK kerd.  

KDP, 1992 bîya şirîkê TC.  KDP û TC pîya hembere gerîlayanê PKK şer kerdo. Tebaxe 1992’an de gerîlayê PKK’yî  Salman Alagoz rotibî û dabî TC. KDP, Cotmehê 1992’an de bîya şirîke TC û 2’ê Cotmehe 1992’an de eskeranê tirk û pêşmergeyên KDP pîya hêrîşê gerîlayanê PKK kerdibi. Dişmenîya KDP 1995’an de zî dewamkerd. Dewlet û Tirk û PDK reyna hêrîşê PKK kerd.

Şirîkayîya PDK û T.C 1997’an de hîna zêde bi.  KDP venda dewleta tirk, T.C bi tanq û topan û helîkopteranê xo kewt Başurê Kurdîstanê. KDP û T.C yew peyman zî viraşti. Uca ra nat 5 hezar zêdayîr eskeranê Tirk û 100 zêdayîr tanq tirk kewtî Başurê Kurdîstanê. Kanî Masî, Bamernê, Şeladîze, Derelûk, Surîye, Batufa, Gire Bîye de ca bîye.

Amedîye, Batufa, Dihok, Zaxo, Hewlêr û herêma Soranî de merkeze yane qerargehê  MÎT’ê Tirk ame viraştiş. Hina bi kî, yew vatişê verênan ma esto vanî ya, “Kutiko xirab vergî ano kena gewi.” KDP zî eynî hina kerd vergo har sey TC ardi kerdi zere Kurdîstanê.Hetanê 2002’an de KDP û T.C pîya şerê gerîlayanê PKK kerd.  KDP, 2002’an ra dima hembere PKK taqtîkêk bîn ramit.  PKK wextê adirbirnayîş de bî. KDP zî hembere PKK xeta îxanetê rêxistinkerd. Reyna KDP sernêkewt. PKK, 2004’an de xo komkerd, Bakure Kurdîstanê hembere TC xoverdayîş dadestpêkerdiş, KDP zî gore T.C  kewt meterîs.

AKP-T.C û Amerîka 5’ê Mijdarê de hembere PKK yew peyman viraşt. KDP zî kiştê AKP û Amerîka de ca girewt. TC bi na peymanê ra 17’ê Kanunê 2007’an de cayê gerîla bombekerd. 21’ê Sibate 2008’an de zî artêşa tirk kewt erde Başurê Kurdîstanê Şerê Zap’î bî. Gerîlayanê PKK artêşa tirk tar û mar kerd. Şerê Zapî dima ra KDP û AKP bîye şirîkê yewbîn ayê daîmî.

Wexto kî  Rojavayê Kurdîstanê de şer destpêkerd, reyna KDP û AKP bîyê şirîkê yewbîn. Pîya bi rayîre cîya cîya hêrîşê şoreşê Rojava kerd. PKK û YPG hemberê hêrîşanê çeteyên DAÎŞ’ê T.C   Başurê Kurdîstanê zî pawit. Labele KDP, reyna hetê dewleta tirk girewt, vana wa gerîlayên PKK Kurdîstanê ra bivejîyenê.

Vendena eskerê tirk û eskerê tir bena kena Başurê Kurdîstan û Musilê. Başiqê Kurdê Êzîdîyan de eskeranê tirkî ra qerargeh virazena û îna uca de ca kena. Seba hêrîşê Rojava û PKK bikerenê. Partîyê vajo ez partîya kurda, labele tim û tim dewleta tirk şirîkayî bikero, yew eşkeno vajo a partî partîya kurdî ya?