Şarê taxê rojhelatê Helebî bi huyayîşê xo kêfweşîya rizgarbîyîşî ma reyde pare kerdî, şopê rijîyayîş û eşteyan zî hîkayeya dej û êşê înan vatênê. Rojêka hewrin de ma derbazî taxê rojhelatê Helebî bîyî. Wexto ke ma resayî çatrayîrê Biêdînî, ma nuqtaya kontrolî ya YPGyî ra vîyartî û ma mîyanê taxe de gêrayî.
Ziqaqê vengî û awanîyê ke rijîyayî hîkayeya dej û êşê nê taxan ma rê vatêne. Taxa Hulok de doman, ciwan, cinî û camêrdan serdî ver adir tafînaybî û xo germ kerdênê. Welatîyê taxe vatî ke çîyê ke ê biveşnî çin o, cok ra ê parçeyanê textan arê kenî û pê adir tafînenî. Ma gêrayîşê xo taxan de domnenî, çekuya ‘wexto ke ez şêra bizanê ke mi heme çî kerdo, eke ez bimana, paweyê mi vinderê ke ez do biagêra’ ser dêsêk de amebî nuştiş. Şêligê taxe ma rê qala dej û êşê ke destê çete û rejîmê Baasî ra dîbî kerdî. Domanan zî bi hawayo azade û kêfweşîyêka gird ma reyde kay kerdî û domanîya xo cuyayî. Taxa Heyderî de zî şerwanê YPG û YPJyî depoyêk cil û malzemeyê werdî dîybî û şarê taxe rê vila kerdbî. Domanêk zî gezîyêk girewtbî û verê berê xo pak kerdêne. Eynî wextî de taxa Şêx Xidirî de şerwanî ver bi taxa Saxûr û taxa Şearî vila bîyênê û taxe hêzê çete û yê rejîmî ra pak kerdêne. Hetê şanî ra taxê Şear, Mîyeser û Bab El-Neyreb de pêrodayîşê girdî qewimîyenî. Pêrodayîşan de heme tewir sîlehê girdî yenî şuxilnayîş.
ANHA / HELEB