Yew serokwezîrek Tirkan esto. Herkes name ey zano.

Ze kekoyê Kasimpaşa yeno şinaşnayiş. Wexto ke, Şimon Perez ra va "wan munît!" keyfe tayî kesan ame. Înan va, wayyy!
 Erdoxan ver Îsraîl serê xo berz kerd. Wayîrê Fîlîstînîyon  yanî mazluman vejîyeno.
Eynî Erdoxan, eynî wextî de Şarê Kurd ê Mazlum kiştenê.  Teberê ra, xo sey wayîrê mazluman  nîşandanê,  hina kerdenê ke qetîlkerîyê xo ê  Kurdîstan  binimno.
Çika Kurd kiştenê ewqa zî vejîyenê TV û vatenê ma hina hina serkewtin viraşta. Ver qamereyan zindî zindî esker û polîsê xo bimbarek-pîroz- kerdenê. Vatenê, "Ver serkewtina eskerê xo, ez, Necdet Ozel bimbarek kena".
Erdoxan hina hina har bibi ke, vatenê, "Ma ristemê – kok- gerîlayê HPG rakenî. Ma hetanê wesarê 2012 gerîlayê HPG qirkenî".
La kekotîyê Erdoxan, ver gerîlayên HPG pere nêkerd. 2012 de gerîlayê HPG, Zagros, Botan, Amed û Çewlîg de ristimê eskerê Erdoxan rakerd. Şarê Kurd, Newroza Amed de bende zulimkarîyê AKP rijna.
Xoverdayîşê zîndanan, AKP şaş û maş kerd. Hina bi ke, AKP û Erdoxan mecbûr mend ke, Rêberê Şarê Kurd A.Ocalanî ra yewbîdîyayîş bikero.
Xo ra bi dest pêkerdişa yewbîdîyayîş ra, A.Ocalan, yew pêvajoyê newe da dest pêkerdiş.
Bi nê pêvajoyê, Erdoxan tewş tewş qisekeno. Kurdan ra heqeret keno, xo pîl vîneno. Sey kekoyê Kasimpaşa erzeno û erzeno.
Vano, wa gerîlayê HPG, fek çekan veradenê, şîyerê Başurê Kurdistanê. Wazeno bi nê qise gerîlayê  HPG û Şarê Kurd tehdît bikero.
Bena ke, kekotîyê Erdoxan ver tayî kesan pere bikero.
La wa herkes bizano, "Kekotîyê Kasimpaşa" ver "Kekotîyê Amed" û "Kekotîyê Gerîla" qet pere nêkena. "Kekotîyê Amed" û "Kekotîyê Gerîla" ser kekotî çîna. Wa, Erdoxan û tirşikçîyê eyê weş  bizanê.
Bilaheq kekoyên Amedê nêvata.
"Berdeee bine te erdeee"! "Veradiii  bine to erdoo!"
Wa, Erdoxan bizano, eger kekoyên Amed bi nê vatişê, yarîyê xo însanê sey goza puçê ra kenî.
Şertanê ke Rêberê Şarê Kurd A. Ocalan eştî verênîyê AKP, eger AKP nê şertan hal nêkero, ê hale AKP perîşan bibo.
Xo ra Cemîl Bayik va se, Va ke, "Eger AKP persa Kurd û gerîlla de game yasayî nêerzo, gerîllayê HPG yew gam tepîya nêerzenî".
Bi qisekerdişê Cemîl Bayik ra heme çîyê zelal bi.
Verênanî ma vato ya, "Goza puç zaf xirxir kena". Wa, Erdoxan xirxir bikero.
Eger kekotîbi, Ha "Kekotîyê Amed" û "Kekotîyê Gerîla", Ha "Kekotîyê Kasimpaşa".
Ma vînenî kam ser kewno.