Kela Sikera ke kişta koyanê Kizvanî de ya û wextê verênan de seba pawitişê herême ameya viraştene, 35 kîlometre durê Hesekê de ya. Tarîxê Kele heta Eyyubî û Memlukîyan şona.
Waro ke kele tede ya, demêko derg sey warê seyrangehî ame bikarardene. Labelê serranê peyênan de şertanê şerî ver û kele bêwayîr mende û dima ra zî hetê çeteyan ra sey meterîs ameye bikarardene. Netîce de kele zaf zirar dî. Komîteya Eseranê Tarîxî û Turîzmî ke girêdayeyê Îdareyê Xoserî yê Demokratîke yê Herêma Cizîrî dest bi xebatanê restorekerdişî kerd.
Endamê komîte Zîyad Toşoyî babete ser o dîyar kerd ke tewr peynî serra 2007î de kele amebî restorekerdene. Komîteye aşkere kerd ke restorekerdişî ra dima kele do newe ra turîzmî rê biabo.
ANHA / HESEKÊ