Seke yeno zanayîş namzedîya Serekê Konfederasyonê Yewîya Elewîyê Ewropa (AABK) Turgut Okerî hetê YSKyî ra amebî redkerdiş û herinda ci de Îdarakaranê AABKyî ra Zeynel Ozen amebi weçînayîş. Ozenî derheqê weçînayîşê 24ê Hezîrane de qisey kerd.
Ozenî va ‘donemê verênan de zafaneyê elewîyan destek dayêne CHP, labelê 7ê Hezîrane de elewîyî raya xo dayî HDP’ û wina domna: “Sebebê ci zî o yo ke HDP heme kulturan mîyanê xo de hewêneno. HDP partîya Tirkîya ya û bi serran o heq û waştişê elewîyan gêna mîyanê programê xo.”
Ozenî dewamê qiseykerdişê xo de wina va: “Ma nizdîyê 30 serrî yo ke têkoşîn danî ke wa cemxaneyî bibî cayê îbadetî, labelê no hetê îqtîdarî ra bi hawayo cîddî nîno dîyayîş. Goreyê ma elewîyî bi tena sereyê xo nêşênî rizgar bibî. Eke heme kulturî pîya têkoşîn nêdî, ma rizgar nêbenî. Elewîyî merdimî wijdanin î, ez bawer kena ke do kesê wijdaninî destek bidî no proje. Kurdî seba şîyayîşê yew merdimî çi destê înan ra bêro do bikerî. Ez hêvîdar a, ma do serbikewî. Ma do rejîmê yew merdimî birijnî û mîyanê aştîye û biratîye de bicuyî.”
ANF / STENBOL