Netîceyê şero mîyanên yê Sûrîye, bi sehezaran kesî amyebî bajaranê Tirkîya û Kurdistan de bica bîbî û vera feqîrî de têkoşîn danî. Nê keyeyan ra yewe zî bajarê Wan de bica bîyo. Keyeyo ke Heleb ra amebî qezaya Tuşpa ya Wanî de bica bîyo, Meryem Yasîne, mêrdeyê aye û 4 domanan ra pê yeno. No keye mîyanê bereqeyêka naylone de cuyeno û seba ke nêcemidî betanîyan xo ra pîşenî. Keye bereqeya xo kerdî 2 beş û beşêk de firaqê înan û beşa bîne de zî ê bi xo manenî. Mehmeto ke domanan ra yê tewr pîl o, seba ke waye û birayê ci nêcemidî, binê înan de betanîye rakeno. Domanan ra Rûkena ke yew û nîm serre ya bi rîyê xo yê huyaye, mîyanê şert û mercanê giranan de kayan kay kena.
WAN