HDP weçînayişê pêroyin a 7 hezîrane hadreyeya xo bi dirûşmeya ‘Cuyayişê newe’ kena û di zaf hûmarîy de dorûverî ra seba HDPe hetkarî yena û her ke şona HDPe ra hetkarî zêdîyena. Pîrê elewîyê verê weçînayişê dîyar kerdî ke verba pergale di zereyê vilayê de têkoşîndayişê keye nişane tena HDP a û no ser zî do ê HDPe ra hetkarî bidê û pirsgirêkê elewîyan zî tena xêza HDPe de yena çareserkerdiş.
Pîrê dewlete nêwazene
Pîrê elewîyê Alî Haydar Gokten destnîşan kerd ke HDP hetanê nika her tim heqê elewîyan pawit û verba zaliman zî têkoşîn da û wina vat: “Çareserîya pirsgirêkê elewîyan ser tewr zaf HDP têkoşîn dana. No ser zî taybetê elewîyan do no weçînayişê de HDPe ra hetkarî bidê. Ma her tim di cemxaneyan de tereqnenî, taybetê ciwanê elewîyê HDPe ra hetkarî danî, ma zî di no demo pirsgirêkê de tewr gird elewîyan ra nêz HDP vînenî.”
Gokten bal ant ser Serekeya Karananê Dîyanetî û wina dewam kerd: “Taybetê HDP, hewanayişê Serekeya Karananê Dîyanetî û dersê zorî ser têkoşîn bido. Ma qet di mîyanê Dîyanetî de nêwazenê ca bigêrî, ma wazenê di Dîyanetî ra nê gireda yew kursîya elewîyan bibo. Ma wazenê no kursîyê ra zî nê pîrê dewlete, pîrê elewîyê tayîn bibî. Ma vînenê seba na rewşe HDP xebat kena û no ser zî do çiqas destê ma ra hetkarî bêro se do ma HDPe ra bidî.”
Pergal nêrehet o
Pîrê elewîyê Alî Soysuren zî aşkera kerd ke HDP partîya nirxan a û wina vat: “Kam demokrasî, azadî û aştî pawiyeno se HDP partîya nê kesan a, verba pergala di zereyê vilayê de têkoşîndayişê keye nişane tena HDP a û no ser zî do HDPe ra hetkarî bidê û pirsgirêkê elewîyan zî do tena xêza HDPe de bêro çareserkerdişî. Heme nê averşîyîşan ra pergal nêrehet o û no ser zî hêrişê HDP û elewîyan keno.”
Soysuren destnîşan kerd ke ganî HDP seba pirsgirêkê elewîyan xebatêkî elaqadar bikero, weçînayişê pêroyin a 7 hezîrane sewbî weçînayişan hîna bi ferq o, çimkî nika di sînorê Tirkîyaye de telukeya DAIŞê est o, çi heyfo ke DAIŞ hetkarî dewleta tirk û AKP dana, eke na teluke sînorê Tirkîyaye ra bivîyaro, no demî DAIŞ tewr gird seba elewî û kurdan teluke bibo.
Soysuren wina dewam kerd: “Elewîyan ganî verba telukeya DAIŞê haydar bibî û elewîyan hewna verba pergala gahîyo ke serebihawanê, çimkî her ke şona elewîtî peynî bena, belkî nameyê elewîtî est o la nirxê elewîtî peynî benî. No ser zî elewîyan her tim raştî bipawê û keye nişana raştîyê zî HDP o.”
Bi rayverîya HDPe
Pîrê elewîyê Îbrahîm Erdogan babete ser wina qise kerd: “HDP her tim pirsgirêkê elewîyê rojdemê ra anena û çareserî ser zî vernîyazan xo kena û HDP bi bernameyê xo zî merdimatî ra hêz dana. Eke HDP hetanê nika, zey ewro pirsgirêkê elewîyan ra baldar bibîynê do nê terteleyê nêameynê kerdişî.”
Erdogan wina vat: “Do ez bawera êdî HDP hîna hîşyarî reyde pirsgirêkê elewîyan ra nêz bibo. Çimkî HDP çarçiweya feraseta merdimatîyê de bernameyê xo şopnena. No ser zî HDP ma ra bawerî dana û do ez bawera ke ma û HDP pîya, pirsgirêkê xo elewîtî ra çareserî bivînî.”
Elewîyan seba cuyayişê newe ganî têkoşîn bidê
Pîrê Elewîyê Îbrahîm Sînemîllîoglu zî aşkera kerd êdî bes o ke sewbî bawerîyan elewîyan temsîl bikerî, ganî elewîyan xo bi xo temsîl bikerî, Erdogan guya vano serekkomarê 77 mîlyon o la Erdogan di cenazeyê de daxî di mîyanê rojnamegeran de cidatî vejnena.
Sînemîllîoglu ciresna ke Erdogan banê cenazeyê de daxî elewîyan, çepgiran û sewbî dorûveran ra heqeret kena, nika zî pawitoxan xo ra hedef girewta û ê vanî ke wa bawerîyan pirsgirêkê xo di mîyanê xo de çareser bikerî.
No ser zî elewîyan ganî hetê şarê bindest, karker, kedkar, cenî û ciwanan de cayê xo bigêrî û wina dewam kerd: “Kam demokrasî, azadî û aştî pawiyeno se HDP partîya nê kesan a, verba pergala di zereyê vilayê têkoşîndayişê de keye nişan tena HDP a û no ser zî do HDPe ra hetkarî bidê û pirsgirêkê elewîyan zî do tena xêza HDPe de bêro çareserkerdişî. Heme nê averşîyîşan ra pergal nêrehet o û no ser zî hêrişê HDP û elewîyan keno.”
DÎHA /STENBOL