Par Herêma Rojhelatê Karadenîzî de kinitişê sifteyîn yê arkeolojîkî ameybî destpêkerdiş û Zinaranê Kurulî yê Ordu de peykerê îlaheya dayîke ya Kîbeleye ke yeno texmînkerdiş ke 2 hezar 100 serrî verê ra mendo û 110 cm berz o, ameybî dîyayîş. Nika qeleya ke aydê Mîthrîdateso 6. a û peykerê Kîbeleye tede ameybî dîyayîş, ewja de her roje bi desan dînamîtî teqîyenî.
Serra 1996 de hetê heyetê pawitişî ra dormeyê qele warê tebîî û dereceyo 1. de cayê arkeolojîkî ameybî îlankerdiş. Dima ra mehkema ruhsatê ocaxê kerrayan ke ewja de amebî akerdiş, betal kerd. Şîrketê wayîrê ocaxî, muracatê mehkeme kerdbî û waştbî ke wa warê arkeolojîk bêro tengkerdiş. Mehkeme zî destûr da faalîyetanê ocaxî. Nê rojan de xebatê ocaxî dewam kenî û mezelê ke binê qele de yî, çin benî. Ocax seba qele tehdîtêko gird o.
ORDÛ