Ameyîşa pêser bi rêzgirotişa şehîdan dest pêkerd. Dima temsîlkarê sazgeh û dezgehan qisey kerdêne. Qisayan de mana şehîdbîyayîşî ardîya ziwan. Keyeyê şehîdan û yê azayan ra ame waştene ke hîna vêşî wahar têkoşîne vejîyê.
Kombîyayîş bi wendişê helbestan dewam kerd. Wexta helbestwana qij Bêrîvan Şingal helbest wende şêlig hestîyar bîye. Wendişê helbestî ra dima şêlig werişt ser pay û slogana "Şehîd nêmirenê" qîray.
Kombîyayişî de sazgehan û dezgehan yew damûstayîn zî day raya pêroyî. Damûstayîn de viraştişê filîma 'Reşeba' ke tede êzîdî şenik yenê vistiş û xirab yenê mojnayîş rê nêrazîbîyen damûsnîya û ame şermezar kerdene. Ame vatene ke filîm winî mojneno ke êzîdî keynayanê destê DAÎŞ’î ra xelesîyenê (reynîyenê) yenê kiştiş, la rastîye de çiyêde wina çin o. Fina ame vatene ke fermanî de rola îxanetkaran nêameye mojnayîş. Naye ra zî hêrs û nêrazîbîyenê gird ame mojnayîş. Bi werdişê perojîye ra dima kombîyayîş bi deyîr û govendan dewam kerd û bi no hewa peynî bî.
AZAD ARARAT / ŞINGAL