Nê hewteyê pêyênan de Tirkîya de meseleya yew tîşortê "Hero" esto. Vernîys yew tîşorto sipî de bi herfanê girdî Hero nuşteyo. Meseleya nê tîşortî hêvêrê yew mehkeme de dest pêkerd. Yew tewqîfkerdîye ke dewaya FETO ra hepisxane de yo, wexto ke no merdim amebî mehkeme, tîşortê Hero girewtîbî pira. Mehkemeyan de tewqîfkerdeyî goreyê waştişê xo eşkenê her cî pira bigerî. Mesele zî tîşortî ra nê, nuşteyê Hero ser vejîyabî. Çekuya Hero bi eslê xo cekûya îngîlîzkî ya. Hero tîrkî de manaya qehremanî dana. No merdim planê suîkastê Erdoganî ra sucdar yew esker o. Wexto ke mehkeme dest pêkeno yew avûkatê Erdoganî tîşortî vîneno û heyetî rê îtîraz keno vano ke vernîya nê tîşortî de Hero nuseno; ma pey no tîşort mehkeme qebul nêkenî; cûnke pê manaya na nuşte mesajo qehremantî dano dewlete. Ser no îtîrazê zî heyetê mehkemeyî tîşortê tewkîfkerde da bedilnayiş û piragirewtişê Hero qedexe kerd.
Bade nê mesela zî kam ke nê tîşortî girewtîbî pîra û vejîyaybî teber hetê polîsanê tirkî ra ame tepîşîyayis. Her cayanê Tirkîya de xeylek merdîm ridê tişortî Heroyî yan tepîŞîyayî yan zî erzîyayî hepİsxaneyan. Goreya dewlete FETOcîyan no tîşortî bi zanayê xo ra girewtêne pira û mesajê qehremanî û bêtersî dayêne dewlete. Heta nika na meselê yew hetî ra tersê dewlete mojnetîyên ra yew hêtî ra zî sey yew komploya girde asayêne. Badê çend rojan dewlet na mesela ser o wîna îzehet daye; badê meseleya tîşortê Heroyî ma qerarê xo hemê hepisxaneyan de kinc û kisvetê yewe ser dayî. Nêzdî ra hemê tewqîfkerdeyî kincanê eynî genî pîra û bi nê kincan yenî mehkeme de îfade danî. No îzehet de bingehê mesela zî vejîya orte. Dewleta Tirkîya na mesela bi zanayîs viraştibî. Saya na mesela ra zî wîna yew qaîde vetî.
Yanî înan meselaya tîşortî heoyî rasna kinc û kisvetê yewe. Xora cîyo bêguman, tîpê nê kincan zî hedre bî. Renge û tîpê nê kincanî verê cû qerar dabî. La meselaya kincan ser wina çi zî esto ke hepisxaneyan de no qerar hetê mehkûman de nîno qebul kerdiş û dewleta Tirkîya zî na rewse hol zana. Heme hepisxaneyanê Tirkîya de tewqîfkerdeyê sîyasî estî. Mîyanê tewqîfkerdeyanê sîyasî de zî zafîyer kurd î. Hem dewaya PKK ra hem zî dewaya HDP ra xeylek merdimî tewqîfkerde yî. Ma heme zanenê ke tewqîfkerdeyê sîyasî piragirewtisê nê kincan qebul nêkenî. Heta peyenê verba no qayde vindenî. Dewleta Tirkîya zî hol zanayêne ke bi rehetî nêeşkenî nê kincanî bido qebulkerdiş.
Wîna aseno ke dewleta Tirkîya hepisxaneyan de planê qirkerdişî virazena. Wesaretê dewleta Tirkîya no qeyde ser kincanê yewe sey her çi pê KHK vejeno. Bade îlankerdişê KHK zî hepisxaneyan de no qaydeyê kincan virazenî. Labelê goreyê xeberanî hepisxaneyê Amed de nika ra kincanê rengin qedexe kerdî. Na rewŞe ra zî dîyar bîyo ke bingeyê na mesela de dişmenîya kurdîtîye esto. Erdogan qayil o ke hemê kurdan hepisxaneyan de qir bikero. Yew hetî ra zî badê referandumî reyanê AKP xeylek ame war û wina aseno ke Erdogan semedê sîstemê serekîye xo nêzdî ra yewna weçînayîş hesibneno û Erdogan sey verê her weçînayîşî gereka yew koas bivirazo. Na deme zî planê xo bi kincanê eynîye hepîsxaneyan de keno. Îhtimalê ke wina ci bibo se gereka şare kurd têkoşînê xo nika ra hedre bikero.