Goreyê Yewîya Kîradaranê Hewlêrî, kîrayî tewr zaf paxtextê Herêma Federal a Kurdîstanî de benê berz. Semedê bahabîyayîşî hûmara koçberî ke Îraq û cayanê bînan ê Kurdistanî ra remayî ameyî Hewlêr. Statîstîkê Herême ra gore Kurdistanê Vaşûrî de nika 2 mîlyonî koçberî ciwîyenê. Wexto ke aşma verêne terorîstanê “Dewleta Îslamî” DAIŞ Anbar dek kerdî, des hezarêna ameyî.
Destpêkê cengî ra bi nat 92.000 keyeyan, bitaybetî ereb û xirîstîyanî, bar kerd şîyî Hewlêr. Goreyê qanûnê bingeyî yê Îraqî Hewlêr der her hemwelatijê Îraqî rê destûrê roniştiş, kîradarîye û rotişê/herînayîşê banan esto. Herçiqas ke tena koçberî bi xo berpirsîyar nîyê, ê parçeyo girs ê krîzê emlakî yê Hewlêrî yê.
Par, kîraya 100 metrekareyan $300 ra kêmî bîye la nika vejîya $600. Cayanê sixlet û atraktîfan de na reqeme bena di yan hîrê qatî kî. Nê des serranê verênan de Hewlêr de 265.000 banê neweyî hetê hukmatî ra ameyê viraştene. 219 kesan rê kî emlakî ameyî dayene. Çi esto ke semedê multecîyanê ke yenê Kurdistanî, no bes nîyo. Xeylê ban û dayîreyî êdî tena seba 6 aşmî kîra benê.
HEWLÊR