Çarçoveyê operasyono ke roja 37. de yo de Quwetanê Meclîsê Lejkerî yê Minbic kişta Başûrrojhelatê sûk de hetê Mezelxaneyê Şêx Egîl ravey şinê. Şewa verî mavêna Quwetanê Meclîsê Lejkerî yê Minbic û çeteyanê DAIŞ de pirodayişê girdî qewimyayî. Çeteyê ke hewl day xaçerê (qewşaq) El-Şerîa ra êriş bikerê vindernîyay. Ser cewabdayenê Quwetanê Meclîsê Lejkerî pirodayişan 4 seatî dewam kerd.
Xêlê cebilxane ternay
Netîceyê cewabdayenî de êrişê çeteyan ame şikinayen. Çeteyan pey xo de xêlê cebilxaneyê lejkerî ternay. Netîceyê fealîyetê geyrayiş û pakkerdişî de 13 tifingê kalaşnîkof, 3 rext û 21 şarjorê ci, 2 tifingê BKC, 2 tifingê B-7, 10 bombeyê destî, û 2 bêtêlê çeteyan amey dîyayen.
Quwetanê Meclîsê Lejkerî yê Minbic zereyê sûk de operasyonê xo yê dûştê DAIŞ ramenê. Heto bîn ra fermandaranê Meclîsê Lejkerî yê Minbic ra Botan Turkmenlî ke DÎHA rê qisey kerd vist vîrî ke rîwalo ke çeteyî şarê sivîl zey sîper şixulnenê operasyonê xelesnayen giran ravey sono. Turkmenlî aşkere kerd ke se beno wa bibo, iyê dê wextekê kilm de Minbic azad bikerê.
DÎHA/MINBIC