Wendekar Şerzan Kurt (21) 12ê gulane 2010 de Unîversîteya Sitki Koçmanî ya Mugla de hetê polîsan ra amebî qetilkerdiş. Daîreya Ceza ya 1. yê Yargitayî derheqê qatilê Kurtî, Gultekîn Şahînî de qeraro ke 2 serrî ver daybî xira kerde. Mehkemeya Cezaya Girane ya Eskîşehîrî ya 1. ewil cezaya muebbetî daybî Şahînî. Labelê wedarnayîşê madeyê TCKyî ra dima ceza kêmî kerde û 8 serrî daye. Babete ser o pîyê Kurtî Omer Kurtî qisey kerd.
Bawerîya ma hiqûq rê nêmende
Omer Kurtî qiseykedişê xo de va ‘polîtîkayan ver unîversîteyan de hêrişê wendekaranê kurdan kenî’ û wina dewam kerd: “Heme hêrişî merkezêk ra yenê îdarekerdiş. Qetilkerdişê Şerzanî de 2 komî yenî vera yewbînan. Mîyanê înan ra 2 polîsê çekdarî vejîyenî û înan ra yewe Şerzanî qetil keno. Badê ke Şerzan keweno erd, qatil orte ra vînî beno. Qerarêko şikin o. Bawerîya ma bi mehkeme û huqûq nemanda.”Kurtî dîyar kerd ke sey dîyarî ceza dîya qatilê Şerzanî û wina qedêna: “Şerzan bi hawayo qestî ame qetilkerdiş. Daîreya Ceza ya 1. yê Yargitayî cezaya Şahînî zaf dî û ceza xira kerde. Derheqê polîsî de cezayêka newe ameye dayîş bi sucê birîndarkerdişê kesan ame dayîş. Ma îtîrazê qerarî kerd û ma paweyê netîce yî. Polîsê ke merdiman qetil kenî hetê dewlete ra yenê pawitiş. Badê ke Mehkemeya qerar bido ma do şêrî AÎHMî.”
ÊLIH